CHANÇON ROYAL SOTE AMOUREUSE COURONKÉE A LILLE

Amours, par qui les lourdes et li lourt Sont bien rataint de lourdement amer , M'ont pourveu depuis un terme court De dame amer où il n'a qu'amender , 5 Car son corps est ossi dous qu'uns chierens. Eiireus sui qu'elle a perdu les dens , Car aultrement ne m'eûst demoré Drapiel entier ; tout euïst deschiré.

Un usage a tel qu'à moi hape et tire , 10 Et quant par li sont mi drap debeiFé , Elle se sance après de moi maudire.

Je le trouvai l'autrier en une court

Sus un fumier, preste pour remuer ,

Et je li dis : « Ma dame , il fait là gourt ; 15 Or vous voeilliés un petit reposer

Et nous parrons d'amours tout à bon sens. »

Et celle dont li estas est plus gens

Que d'un pourcel ort et embegaré ,

M'a en soudain telement regardé 20 Que je vosisse adont estre en l'empire ,

Car contre moi a un fourquié levé ,

Et puis me dist : « Or ça , que voes tu dire ? »

360 CHANSONS ROIAUS

« Dame », di je , « Amours en mon coer sourt , Car je me senc en mon corps haleter

25 Et je m'en doi aler en un behourt ;

Pour vostre amour m'i vodrai esprouver , Mes dittes moi , que crirai sus les rens ? Car je serai , je croi , de ceuls dedens. » Elle dist : « Faic crier à l'estonné ,

30 Et se le pris conquiers , j'ai volonté , M'amour auras , qui est ossi entire Que mes drapeaus, qui sont tout ranoé.

Or soies preus , il te doit bien souffire. »

— « Dame » , di je, « vous serés sus un hourt ;

35 Là me verés les horions donner , Mes se je truis le kokin et le lourt Lequel on dist qu'il voelt mes oes humer , Je li donrai tel cop entre les gens Qu'il s'en ira en sa maison dolens. »

40 Lors dist ma dame : « Et qu'as tu empensé ? S'a trestous ceuls qui ont à moi parlé Tu voes avoir le débat ne l'estire , Il te faudra , saces pour vérité , Plus qu'un martir endurer de martire. »

45 Adont vi là le kokin qui acourt ; A ses nus bras va ma dame acoler.

Lors m'avisai que , s'on ne le secourt , Je li vodrai trop bien le dos fautrer , Car je me tienc de lui trop mal content.

50 Des nouveaus aus , dou pain et des harens , Matons et bure , oes et bacon salé A en l'escourc de ma dame aporté.

Quant cela vi , je n'oc talent de rire , Ançois li di : « Ma dame , or ai prouvé

55 Que cils fols ci nostre amour fort desquirc. »

Princes , Amours m'ont lors si escaufé Et parfette sotie , Dieu leur mire , Que j'ai ma dame et le kokin rué En un ruiot , et là les laissai gire.