LUI
Je m'esjoïs , ma dame de valeur ,
Ne sçai sur quoi fors que sus espérance,
Car en vous a tant de sens et d'ounour,
Je m'esjoïs , etc.
Que vous aurés en memore le jour
Que je me mis en vostre obéissance.
Je m'esjoïs etc.
Pour recouvrer le temps que j'ai perdu , Voeil de nouvel pryer nouvelle amie , Je croi que j'aie un raisonnable argu.
Pour recouvrer , etc.
Pour commencier , d'adrecier ne sçai ù , Il ne l'a pas d'avantage qui prie.
Pour recouvrer , etc.
412 KOM)ELÉS
De trop petit je me resjoïroie Avec l'espoir que par usage j'ai , Se plus souvent ma dame je veoie , De trop petit, etc.
Mes ne le voi ne oi , dont il m'anoie , Dont mon estât escrire li vodrai.
• De trop petit, etc.
Le corps s'en va , mes le coer vous demeure .
Très chiere dame , adieu jusqu'au retour !
Trop ne sera lontainne la demeure.
Le corps s'en va, etc.
Mes doulc penser, que j'aurai à toute heure,
Adoucera grant part de ma dolour.
Le corps s'en va, etc.
Sus pensement fait bon avis avoir ,
Ou pensers n'est fors que grant musardie ;
Dame qui j'aira , vis m'est que je dis voir.
Sus pensement, etc.
Je pense à vous, n'est pas pour vostre avoir,
Mes par amours, qui me tient compagnie.
Sus pensement, etc.
Le grant désir qui m'est cspris d'ardure.
Dont je ne puis venir à garison ,
Me mœt de vous , et si m'ostcs si dure.
AMOURKUS. 415
Le grant désir, etc.
Las ! que ferai quant si grant mal endure , Et si n'en parle à nuUui s'il vous non! Le grant désir, etc.
Mon doulc ami , adieu jusqu'au revoir ,
Qui bien briefment devers moi vous raraainne ;
De vous ferai loyalment mon devoir.
Mon doulc ami, etc.
Se souliedier pooient estre voir ,
Vous me veriés .xxx. fois la sepmainne..
Mon doulc ami, etc.
De vostre amour sui espris par penser ,
Chiere dame , ne sçai qu'en avendra ,
Car nuit et jour pense à vous sans cesser ;
De vostre amour, etc.
Ne me verés jà dou penser lasser.
Tant que dou corps^ li ame liors saudra.
De vostre amour, etc.
Mon coer avés et m'amour et ma joie ,
Très chiere dame , or en voeilliés penser ;
Dire povés , en quel lieu que je soie :
Mon coer avés , etc.
Se joie ensi de vous dire pooie ,
Plus resjoï ne poroie encontrer.
Mon coer avés ^ etc.
RONDELES
Do quoi que soit se doit renouveler
Uns jolis coers le premier jour de may ,
Voires s'il aime ou s'il pense à amer.
De quoi que soit, etc.
Pour ce vous voeil , ma dame , emmayoler ,
En lieu de may , d'un loyal ooer que j'ai.
De quoi que soit , de..
Dou petit grant et dou grant le petit
Font 11 pluisour souvent , c'est vraie chose ;
Je l'ai bien fait , mes Fortune s'en rit ;
Dou petit grant, etc.
Mes quoi qu'en voie , ou damage ou proufit ,
Je l'en grasci , car couroucier ne l'ose.
Dou petit grant, etc.
Oultre mon temps que vault doel ne soussi ? De riens qu'aviegne on ne doit faire compte , Môs tous jours vivre en un estât ouni. Oultre mon temps , etc.
Nous ne savons quant nous partons de ci ; Quel part alons , j'ai au penser grant honte. Oultre mon temps . etc.
Se je me plains, dame . j'ai bien de quoi , Car vo regart me sont un peu trop fier ; Adoucies les, quant les jettôs sus moi.
AMOLREUS. Mit
Se je me plains , etc.
Il ne me font que tristrece et anoi, Et ce n'est pas ce qui me fait mestier. Se je me plains , efc.
Haro , espoir , qu'estes vous devenus ? Vous me solics faire grant compagnie , Mes bien perçoi que ne me dagniés plus. Haro, espoir, etc.
Revenés tos , où estes vous repus ?
Sans vous ne puis ne heure ne demie.
Haro , espoir, etc.
S'uns vrais amans mettoit en ramembranoe Toute sa vie , il auroit moult à faire, Et jour à jour pesast à la balance.
S'uns vrais amans, etc.
Le bien d'un lés, d'aultre part la penanee. Lors sauroit il lequel poroit plus traire. S'uns vrais amans . etc.
Trop ne me puis de ceuls esmervillier Qui se plaindent des jolis maus d'amours ; C'est bien raisons , avoer ne les quier , Trop ne me puis , etc.
Car je ne vi onques coer en dangier Qui volontiers n'i presist ses retours.
Trop ne me puis, etc.
416 " KONDELÉS
Ensus de moi , coer melancolieus !
Vous ne m'avés que faire d'approcier ,
Car j'ai le mien joli et amoureus.
Ensus de moi, etc.
Et aussi a cils qui se tient joieus ,
Quant je le voeil d'un de mes yex gignier.
Ensus de moi, etc.
Adieu , solas ! adieu , joie et plaisance !
Adieu , bon temps , que mal employé ai ,
Et se n'i voi aucune recouvrance.
Adieu , solas , etc.
C'est moult grant bien d'omme de pourveance
Pas ne le sui , et pour ce je dirai :
Adieu , solas, etc.
Dame , merci , vous savés en quel point Pour vostre amour j'ai langui longement , Et conforté encor ne m'avés point.
Dame , merci , etc.
Or n'est il temps qui ne reviegne à point ; De moi garir vous portés l'onguement.
Dame , merci, etc.
Revien , amis, trop longe est ta demeure , Elle me fait avoir painne et dolour,
AMOURÉUS. 417
Mon esperit te demande à toute heure.
Revien , amis , eic.
Car il n'est nuls fors toi qui le sequeure, Ne secourra jusques à ton retour.
Revien , amis , etc.
On ne poroit mieuls image pourtraire, Ne coulourer sus le blanc et le noir.
Que ma dame est de corps et de viaire. On ne poroit, etc.
Sa grant beauté deveroit pité traire, Ou Nature a mespris , au dire voir.
On ne poroit, etc.
On ne poet mieulz son coer assir ne mettre Que de servir sa dame loyalment ; Communément on en voit entremettre, On ne poet mieulz, etc.
Les amoureus et ceuls qui scevent mettre Plus volontiers que ne font aultre gent. On ne poet mieulz , etc.
Trop ne se poet jones homs jolyer Puisque Nature à ce faire l'ordonne , Car il ne voelt qu'aler et colyer.
Trop ne se poet, etc.
De petit piert son melancolyer, Car volontiers à tous solas s'adonne.
Trop ne se poet, etc.
418 RONDELÉS
Trop eùreus est qui poet dire voir.
Et on ne doit point en amours mentir ;
Aux vrais amans fai tout ce à sçavoir.
Trop eureus, etc.
Car loyauté a en lui tel pooir
Que les servans fait mestres devenir.
Trop eureus, etc.
Puisque je n'ai nul reconfort de vous , Chiere dame , vous me jugiés à mort.
Vous me soliés servir de regars douls, Puisque je n'ai, etc.
Mes maintenant il va tout à rebous , Dont je voi bien que pité en vous dort. Puisque je n'ai, etc.
Adieu , bon temps , il faut que je vous laie ;
Puisque je voi que refus et dangier
Sont en ma dame et d'el riens ne me paie.
Adieu , bon temps , etc.
Ne n'y a nul de ces deus que je n'aie
Pour ennemis , quant je le voeil proyer.
Adieu , bon temps , etc.
Puisque m'avés en vostre souvenance, Ma chiere dame , il m'avenroit tout bien ,
AUOUREUS. 419
Car vous aurés de mes mauls cognoissance , *
Puisque m'avés, etc.
Et metterés sus mon fait attemprance ,
Je ne désir en ce monde aultre rien.
Puisque m'avés, etc.
Se resjoïs n'estoie d'un regart
Qui vient de vous sus moi , ma dame chiere ,
Il m'en faudroit fuir ne sçai quel part ;
Se resjoïs, etc.
Mes ce qu'il sont jette d'un douls espart ,
De toute joie en coer m'est messagiere.
Se resjoïs, etc.
On dist que drois a bien mestier d'aïe, Et bien le puis en amours percevoir , Car j'ai pryé tous les jours de ma vie. On dist que drois, etc.
Onques ne poc dame avoir ne amie ; Or regardés dont se drois a dit voir.
On dist que drois, etc.
A basse vois vous prie merci , dame ,
Car je ne puis ne ose hault parler ,
Si ai je bien cause de dire alarme ;
A basse vois, etc.
Car vostre amour me mainne tel , par m'ame ,
Qu'il me faudra , ou voeille ou non, crier.
A basse vois, etc.
420 ROMDELÉS
Ne sçai pourquoi on n'ose dire voir, Quant on se voit de tout perdre en balance ; Dame , merci , à vous tient dou sçavoir. Ne sçai pourquoi, etc.
^ Pour vostre amour languis et main et soir ,
Et si m'en tais , c'est moult dure ordenance. Ne sçai pourquoi, etc.
Se je parolle et je ne sui oïs , Trop me sera parolle virgongneuse , Et sans parler n'est nuls homs conjoïs. Se je parolle, etc.
Dont me fault il, pour estre resjoïs.
Dire et moustrer ma vie languereuse.
Se je paroUe, etc.
Se je me tais , on ne fait de moi cure ,
Et si ne sui pas bien enlagagiés.
Que ferai dont ? Geste vie m'est dure.
Se je me tais , etc.
Taire me vault trop mieuls et tous endure
Que de parler et puis soie eschaciés.
Se je me tais , etc.
Espoir , espoir , mon très loyal ami , Sans vous ne puis avoir bone aventure ;
AMOUREUS. 421
Ne me fallés , pour Dieu , jour ne demi.
Espoir , espoir etc.
Se me fallés , vémeci desconfis,
Car en tous cas ma dame m'est trop dure.
Espoir , espoir , etc.
LXXXVÏI
Or à l'assaut , entre vous qui m'amés
Et qui portés l'amoureuse baniere !
Ne faites pas que je soie blâmés ,
Or à l'assaut, etc.
Ne recreans enmi voies clamés,
Mes à l'assault fault bien avoir manière.
Or à l'assaut , etc.
