ŒUVRES POÉTIQUES CHOISIES 4 S

Quand vostre cœur les oublioit, Vostre bouche les publioit.

Yeux parjurez, flame infidelle, Qui n'aimez sinon en changeant !

Fasse Amour qu'une beauté, telle Que la vostre, m'aille vengeant :

Qu'elle faigne de vous aimer Seulement pour vous enflamer. »

Ainsi, pressé de sa tristesse, Un Amant trahy se plaignoit, Quand on luy dit que sa Maistresse Pour un autre le dedaignoit; Et le Ciel tonnant par pitié Promit venger son amitié

Amant qui, plein de couardise, T'en vas plaignant si longuement Une ame toute de faintise, Lors que tu sçeus son changement Ou tu devois soudain mourir Ou bien incontinent guérir.