DE LOUISE DE SAVOIE II

Comme l'esprit se congneut entaché,

Grief et pesant, et de terre empesché,

Ainsi le corps par conversation

Participa de ma complexion, 5 ) Se voulant faire une Femme immortelle,

Pource que l'ame et ma nature est telle.

Mais le voyant envieillir et descroistre,

Et se doubtant de soy ne pouvoir estre

Perpétuel, declaira son envie, 60 Continuant par ung autre sa vie.

Ainsi luy fut octroyé pour lignée

Avec ung filz une fille bien née.

L'un est ton Roy, lequel en la victoire

Des ennemys a tant acquis de gloire, 6) Que ses malheurs advenir et passez

Luy sont au ciel et au monde effacez.

Tu treuveroys (de moy sa mère) estrange

Ouyr compter indicible louenge.

Que je congnois aux astres préparée 70 A sa vertu, de troys filz reparée.

Croy seullement que tant qu'ilz régneront,

Nostre mémoire et renom dureront.

Et si par eulx se produit aucun bien.

Si ce n'est moy, si sera ce du mien.

75 Vêla qu'acquiert une cupidité

Qu'a nostre corps à l'immortalité.

Appaise toy, viateur esploré,

Recongnoissant ce qu'avois ignoré.

Car telz honneurs, dont tousvoz cueurs sont plains, «o Et pour lesquels me regretes et plains,

Sont moins que riens en Testât où je suis,

Et où je fuz encor avoir les puis.