donc AB — 80. lequel A ; regrettes B

Il8 EPITAPHE

Cesse tes pleurs, et serene tes yeulx, Faisant pour moy ce qui te seyra mieulx.

8? Tu trouveras ma Fille bien aymée, Et de son Frère et des bons estimée, Faisant regretz, continuant ses lermes.

Remplissant l'air de si doloureux termes, Que sans avoir de moy quelque messaige,

90 Perdre pourroit le nom de Femme saige.

Tu luy diras que pleurs d'hommes et femmes Apres la mort nuysent souvent aux âmes, Et que c'est moy qui par toy luy révèle Et que du ciel descend ceste nouvelle.

9 S Pour ce seul mot point ne s'estonnera, Mais vouluntiers elle raisonnera De Dieu, de foy, de l'ame et de nature. De ce qui est fatal ou d'adventure.

Garde toy bien, s'elle te use d'excuse,

100 Que soubz couleur de raison ne t'abuse. Elle dira, je t'en puis asseurer.

Que corps ne peult en terre demeurer Sans passion, que toutes les avez, Et que dompter nulles d'elles scavez,

105 Si Ion ne faict que la plus véhémente

Sur vostre chair seigneurise et régente ; Elle dira que plaindre ses amys Est de coustume et nature permis.

Et que pleurant et regrettant sa Mère,

iio La passion luy est si fort amere.

Que impossible est aux autres avoir lieu, En quoy faisant elle offense moins Dieu. Là te fauldra, viateur, pour replicque.

De vérité combatre Retoricque,