DE LOUISE DE SAVOIE II

115 En luy disant qu'à l'ame descendue

En la prison, où se trouve esperdue,

Il n'est licite aucunement sortir,

S'il ne plaisoit à Dieu les advertir.

Mais tousjours se fault garder comme ancelle, ::o Jusques au jour que son seigneur l'appelle.

Et comme advient que, si l'homme se tue

Pour délivrer une ame non sollue,

Faict ung péché non seullement damnable,

Mais qui consent autre, en est punissable : 125 Ainsi quant Dieu sa facture reclame,

Non seullement est vitieuse l'ame

De refFuser tant de béatitude

Pour ung regret de terrestre habitude,

Mais tous espritz fault blasmer d'ignorance, 150 Non consentans à telle délivrance.

Cecy diras et riens plus davantaige ;

Puis (s'il te plaist) achevé ton voiage.