AMAN, VN DES EVNVQVES DV ROY

0 grans Dieus, qu'ay-ie fait ! 0 combien entammee

A esté ce matin ma haute renommée!

Quelle profonde playe a receu mon honneur!

Ce iour infortuné me fait perdre tout l'heur

Et le bien que i'auais acquis par tant d'années,

0 Dieus, ô trop cruels, cruelles destinées!

0 Nuit, mère des maux , mère des Luittons noirs,

Et des Esprits brouillons, hostes des bas manoirs,

Lasche et tristesse nuit, en laquelle Assuere

A fait tomber sur mcy l'infâme vitupère

Que ie vien de porter; ce luif malitieux

Sera doresnavant bien plus audacieux

Qu'il n'a esté encor', et fera moins de conte

D'honorer ma grandeur, ainsi croîtra ma honte.

Ce rustre cuide bien que mon seigneur entend

Nostre haine, et m'a fait ce deshonneur si grand

En sa faueur souffrir, mesmes deuant ceste heure,

Superbe, il mesprisoit ma fortune m^leure.

le m'en suis apperceu plOs que ie ne%)udroy.

Pour néant ie seroy si fort aimé du Roy

Si ie ne m'en vengeois, qu'elle faudur sera-ce

Quel bien fait, quel honneur, quel avantage ou grâce

D'Assuere enuers moy, si vn homme estranger,

Vn belistre incosneu ne se daigne renger

Comme d'autres plus grans à mon obéissance, Mesprisanl fièrement la très-grande puissance Que le Roy m'a donnée, et d'vn ialoux orgueil Tousiours enuisageant mon front d'vn mauuais œil Quand ie viens au chasteau? 0 monstrueuse audace, Il voit les grans Seigneurs tous adorer ma face, Et lui seul. . . Mais voici quelqu'vn des courtisans Qui sort de chez le Roi. Aa ! c'est vn de mes gens , Vn de ceux de ma main; deçà, soldat, approche. Il murmure à part soy, la teste et bras il hoche : Qu'a-t-il tant à resver? A moy, soldat, à moy.

L'EVNVQVE , s'agenouillant.

Aa , Monsieur, est-ce vous ?

Debout! que fait le Roy ?

L'EVNVQVE.

Monsieur, il est au lict et l'on dit qu'il repose. Qu'auons fait ceste nuit, la porte n'estoit close Hersoir quand ie partis, et l'on lisoit encor' Comme deuant hier dedans les liures d'or?

AmyJ tu ne sçais pas l'auenture fascheuse Qu'vn Dieu m'a moyené ceste nuit malheureuse . Car ie t'auoy chargé d'enuoyer promptement Cent courriers publier le Royal mandement Par tout ce grand Empire, et tu n'as peu entendre Depuis qu'es de retour le merueilleux esclandre

Qu'a versé sur mon chef vn destin ennemy De mon bien et honneur, haa ie te iure , amy, le iure tous les Dieux qui dans le ciel se tiennent, le iure tous ceux là qui les enfers gouuernent, Ceux des sacrées eaux ^ et ces fols Demi-Dieux Qui roulent parmi l'air mille esclats tonnerreux, Que le m'en vengeroy, et du iour de ta gloire , 0 luif , à tout-iamais saignera ta mémoire.

L'EVNVQVE.

Las! Monsieur, qu'y a-il, ie ne sçay qu'en penser Ni quelle chose a peu si fort vous offencer, S'il ne vous plaist le dire.

Amy, en ton absence, Les gens de Suse ont veu vne fascheuse chance, La roue est bien tournée, et m'a presque destruit, L'aueugle qui ioûer de pareils ieux a bruit. « Amy, ie cognoy bien l'inconstante fortune « Aux petits et aux grans estre égale et toute vne. » Ceste nuit qu'es parti par mon commandement, le m'asseuroy bien fort de voir incontinent Mardochee au gibet, quand l'aube matinale Lanceroit ses crins blancs dans la chambre Royale : N'ayant à Assuere onques rien demandé A l'heure et autresfois qu'il ne m'ait accordé, l'y fondoy mon dessein, toute ceste asseurance N'a toutesfois esté qu'vne fausse espérance : Car si tost qu'on m'a mis deuant les yeux du Roy, « Père Aman, m'a-il dict, venez ça, dictes-moy :

D'vn honneur bien fort grand honorer ie désire

Celuy de qui ie tien ma vie et mon empire ,

Mon père , mon sauueur, car vn si grand bien-fait

Ne peut estre par moy dignement satisfait.

Et en tout cas , Aman , mon ame Hberale

Veut faire ressentir vne faueur Royale,

A cest homme auiourd'huy, à fin qu*vn loyer tel

Auance pour iamais mon renom immortel :

Et que nos bons suiets pourchassent tres-fideles

La seurté de leurs Rois esperans faneurs telles ,

Que faut-il faire Aman, mon père, dictes-moy,

A celui que désire honorer vn grand Roy? »

le pensé lors , et fut bien vaine ma pensée,

Que la partie estoit à mon honneur droissee.

Amy, ie le pensé , et qu'en tout cas le Roy

N'eust point d'autre sauveur, d'autre père que moy.

0 triste faux cuider, pensée malheureuse,

0 faulse opinion , responce ruyneuse ,

Panure Aman , que dis-tu? Où estoit ton aduis,

Où estoit ton esprit, et tous tes sens rauis,

Quand cerchant de l'honneur vne espèce fort digne

Tu feis paroistre enccr' plus grande ta ruyne?

« Sire, fay l'affubler des vestemens Royaux,

Puis monter glorieux sur l'vn de tes chenaux,

Chois de ton escurie, et que ta grand' couronne

Son cKef comme le tien pour ce iour enuironne,

Et qu'vn prince fort grand , premier de ceste cour.

L'aille ainsy promenant par Suse d'vn long tour,

Et criant près de luy, die qu'ainsy faut faire

A celuy que désire honorer Assuere. »

0 gloire en vain cerchee, ô auis malheureux,

Honneur en vain requis, honneur iniurieux,

Tu veux suyure importun tous ceux-là qui te chassent

Et mesprise fuyard ceux-là qui te pourchassent !

Quel conseiller ie fu quand cruel contre moy

le tiré cest arrest de la bouche du Roy,

Qu'ay-ie ouy, qu'ay-ie fait? « Sus allez à la porte,

Aman , me deit le Roy, vestez en ceste sorte

Le iuste Mardochee, et l'honorez ainsy

Que Tauez deuisé présentement icy. »

Amy, i'ay fait cela, et ma bouche honteuse

A loué ce meschant deuant tous ceux de Suse ,

Et moy-mesme auiourd'huy m'ay esté moyenneur,

0 chétif que ie suis, d'vn mortel deshonneur,

Estant père du Roy, et de fait et de titre ,

Me suis fait seruiteur, et héraut d'vn belistre,

0 cieux qui l'auez veu , ostez moy la clarté

De vostre œil pour iamais, car ie I'ay mérité,

Dieu qui as esclairé à ceste triste feste

Destourne tes raions de mon front deshonneste,

le ne te veux point voir, et quand et quand ie croy

Que tu ne veux point voir vn si meschant que moy.

Terre qui m'as porté à ce mortel office

Fons soubs mes traistres pieds , tu as part à mon vice ;

Puisse le iour périr auquel onc ie fu né,

Dont mal se contenta mon père infortuné.

Pleust aux Dieux que des lors vne louue despite

M'eust dans le bers mangé, maudit l'Amalecite

Qui feit rire mon père, et qui premier lui deit

Qu'vn fils luy estoit né dont il se resiouit,

Et soit maudite encor' la piteuse iournee

Qui veit mon père entrer soubs le ioug d'Hymenee ,

Infortuné nfiari et père mal-heureux ,

Et qui pouuoit sans moy toutesfois estre heureux.

Les Grâces à son lict iarnais ne se trouuerent,

Mais les trois seurs d'enfer lourdement le brassèrent,

Et auec des flambeaux y vindrent esclairer

Par lesquels on souloit les hommes enterrer.

Le chahuant hideux ceste nuit sur le feste

De ceste maison là vint maudire la feste.

le suis né toustes fois, et ie sers maintenant

De iouet à fortune et de riche argument

A tous de moquerie , et les causeurs de Suse

De mon nom et mon fait aux carrefours i'amiise.

l'ay valeté celuy que ie vouloy forcer

A me seruir naguère, et ay fait auancer

Celuy que ie vouloy priuer de biens et vie :

Mon efTort, mon despit, ma rage, mon enuie.

M'ont le malheur, l'outrage et la honte brassé,

Que i'auois à autruy iustement pourchassé :

Aman est grand seigneur, père du Roy, grand prince.

Mais vn panure banni , vn estranger le pince ,

Et luy roigne son aile. Aman est grand seigneur,

Mais vn luif toutesfois empoigne son honneur.

Las ! au moins , ô grans Dieux , au moins si la victoire

D'vn plus iuste ennemi m'auoit osté ma gloire ;

Au moins si la grandeur et honneur du vainciueur

Couuroyent vn peu ma honte et soulageoient mon cœur

le l'auroy donc souffert et ma foible puissance.

Ne se pourra saouler d'vne douce vengeance.

Si fera, si fera , car ou sur ceste croix

le lui feroy cracher vne dernière voix ,

Ou par cent mille coups ceste main violente

Lui chassera du corps son ame rougissante;

le doute encor' lequel de ces deux se sera :

En tous cas Tvn des deux, voire pis l'on verra.

La mort de tous les luifs m'est promise et iuree ,

En vn iour périra ceste gent esgaree.

Est-ce assez que cela, demeuroy-ie content?

Non , ce n'est pas assez : ma vengeance s'estend

Plus loing que tout cela ; ie mettroy dans les salles

De ce palais Roïal les trois seurs infernales,

Qui soufleront la rage, et l'ire et le courroux,

L'enuie, la fierté, le discord entre tous,

D'vne triste Erynnis la main vindicatiue

Tordra le cœur du Roy contre la grand luifue ,

Et l'emplira de fiel , de peste et cruauté

Sur celle qu'il aura à l'heure à son costé ;

le feroy le noir prendre aux Royales pucelles,

le leur feroy bien tost ternir leurs iouës belles

D'vn grand ruisseau de pleurs et plomberoy leursyeux

Auiourd'huy des soleils, d'vn cercle nuageux.

le leur feroy tomber leurs ornemens de teste,

Leur cerusse, leur fard , et tout ce qui arreste

Si longtemps les matins leurs pouces curieux;

le leur rendroy ce soin, ce trauail odieux.

0 Dieux, ô désespoir, ô forces auersaires ,

0 cieux, ô cruauté, ô estoiles contraires !

Vous auez mis Aman en la plus basse part

De sa gloire et honneur, mais son cœur brusle et ard

Du désir de venger nostre mortel outrage ;

Mais vous aurez pitié des efforts de sa rage.

Et soudain, mais plus tôt vous vous repentirez

Pour l'auoir trop piqué aux maux que vous verrez.

Las! qu'en peut mais Hester! ô ire impatiente! Qu'a elle mérité , dont elle se ressente De ma chaude fureur!

L'EVNVQVE.

Sans doute, mon Seigneur Grande est vostre entreprise, et sera cher l'honneur Qu'a receu Mardochee, et crainbien fort l'issue De vos tristes sermens , mon front transporté sue Pour l'horreur de ces maus, voyez droits mes cheueux Pour l'apréhension de vos sinistres vœus? L'ame emeuë au dedans ne sera rassurée Premier que i'aye veu ceste teste honorée. « Du luif vostre ennemy mise soubs vostre main , « La colère est bien prompte et entreprend soudain; <r Mais l'exécution douteuse et incertaine « Fait paroistre souuent vne entreprise vaine. » Les Dieux qui peuuent tout entrerompent le cours Souuent de nos desseins, les tournant au rebours.

le n'ay que faire aux Dieux, car ma grande puissance Me promet à part moy la fin de ma vengeance.

L'EVNVQVE.

« Tel cuide perdre autruy qui soy-même se perd , « Contre les destins durs la force rien ne sert. »

Les destins ne sont rien qu'vne peur sote et vaine; Ma force est beaucoup plus que les destins certaine.

L'EVNVQVE.

Les Dieux et les destins peuuent tout contre tous : Vous-mesme sçauez bien qu'ils ont peu contre vous.

AilAN.

C'est tout vn , i'ayme mieux ma mort et ma ruine Que de ne venger point ce deshonneur insigne.