L'E\'N\'QVE

« Ce n'est pas se venger, si le mal nous tournons (( Sur nous, et pour autruy nous-mesmes ruinons; (( On n'a point veu grater la playe à 1" homme sage « Dont le sang irrité luy sautast au visage. »

Bien, le veux estre fol, ie me veux ruiner, le veux le mal d'autruy sur moy-mesme tourner; l'aime mieux tout cela qu'vne honteuse vie , Que flestrir de despit pour iamais et d'enuie, Si est-ce que nul Dieu sauroit estre si fort Qu'il me peust empescher de quereller ce tort; Non, la honte et la mort du maudit Mardochee Ne me peut hors des poings iamais estre arrachée.

SDIEON, IviF, seul.

0 Babylon , ô Nabuchodnezer,

Las ie ne sçay si ie doy accuser

Ta cruauté ou nostre lasche Prince,

Qui en tes mains mit la saincte prouince!

0 dur regret , ô souuenir cruel ,

0 Temple sainct, ô peuple d'Israël,

0 seruitude, ô tres-saincts sacrifices!

0 Sédécie, encor durent tes vices,

Et le malheur que tu as pourchassé

Au peuple Hebrieu, ton temps est bien passé;

Mais ton mal non , ta race est abolie ;

Mais nous sentons encores ta folie,

0 meschant Roy, quelle succession

As-tu laissé au peuple de Sion,

Quel patrimoine , hé Dieu quel héritage

Ont eu de toy tes suiets en partage?

La poureté, la faim, le deshonneur,

L'exil, la mort, la prison , le malheur.

Et par sur tout la diuine vengeance

Qui persécute en eux tous ton offence

De si long temps, sans que nostre tourment

Espère après vn meilleur traitement.

le suis des vieux de la terre luifue.

Issu de tel qui veit mener captiue

Ma pauure gent, et qui fust lors sauué

Pour estre pauure et sans force trouué ,

Vn moindre mal, d'vn mal plus importable

Le feit exempt, pour estre mesprisable

Il fut laissé, et sa condition

Le feit rester au pais de Sion.

(( Tousiours les vens d'vne ame tonnerreuse

« Souflent des mons la cime courageuse,

« Et pardonnant aux humbles aubespins

« Renuersent bas l'orgueil des plus hauts pins.

(( Tousiours la foudre à sa cheute ruyne

« D'un fier palais la superbe machine. »

Or pensoy-ie estre heureux perfaitement,

Fuyant la mort et le bannissement ,

Mais en viuant, ma vie estoit tentée

Par vne mort mille fois souhaitée,

Pour le regret de tant d'hommes amis

D'vn peuple cher au fil des glaiues mis;

Mais par sur tout des tres-saincts sacrifices

La dure perte et les diuins seruices

M'a sans plaisir, sans honneur et sans loy,

Fait viuoter soubs maint iniuste Roy,

Et eust esté ma fortune meilleure

Si mort long temps ie feusse auant ceste heure.

le ne puis plus au païs demeurer

Où ie suis né , où i'ay veu enterrer

Mes frères chers, dont les pleines bossues

Restent encor des charoignes receues.

le n'y vay plus, car, s'il me faut souffrir,

l'aime trop mieux auec les miens mourir

Que viure ailleurs, l'Edit du Roy nous trouble,

Et cest Aman notre malheur redouble.