ACTE TROISIESME
AMAN, seul.
Hà peuple que i'ay hay, hà nation maudite,
Tu mourras, et celuy qui ma grandeur despite,
Qui ne se daigna onc' encliner deuant moy,
Moy qui suis honoré sur tous après le Roy;
Car tous les Princes grans des Indes m'obéïssent,
Et cent mille genoux deuant moy se fleschissent,
le commande partout, et n'ay pas moins d'honneur
Qu'Assuere en reçoit, mon grand Roy, mon Seigneur.
Heureux perfaitement, si seulement tachée
Ma gloire n'eust esté du pendart Mardochee. ^
Vn seul donc troublera mon aise et mon repos,
Vn seul afoiblira la force de mon los ,
Mesprisera ma face et d'vne contenance
Superbe moquera ma Royale excellence!
Encor' Tay-ie honoré par le vouloir du Roy,
Iniuste en cecy seul;'ô rigoureuse loy
Qui m'as fait adorer celuy qui me mesprise,
Qui m'as fait valeter celuy que ie maistrise.
Oui, oui, ie t'ay serui, Mardochee, vne fois.
Oui , oui , ie t'ay serui , meschant , tu me la dois , Et tu la me rendras; ce gaing sera ta perte, Cette gloire ta honte. Aa la voye est ouuerte Pour me venger de toy en ce conui d'Esther; L'honneur que ie t'ay fait te coustera bien cher. Tu mourras , auiourd'huy est ton heure dernière : le iure par ce Dieu qui fournist la carrière Des grans Cieux arpentés, lequel, de ses cheuaux Les crins, et les siens blons, dans les sacrées eaux Ne mouillera plustost qu'en vne croix honteuse le n'ay veu sanglanter ceste teste odieuse. C'est assés enduré, Aman, c'est plus qu'assés, Le mal croist l'endurant; encor' ne sont passés Mon crédit, ma faueur ; et mon heureuse main N'a iamais entrepris aucune chose en vain. Non , ie n'ay pas souffert du monarque Assuere Vn seul rebut encor', ma force est toute entière, Et verte comme alors que i'impetré l'Edict Pour faire ruiner tout ce peuple maudit : Lequel ie destruiroy iusques à vn , de sorte Qu'il ne demourra pas messager qui en porte Nouuelles en Sion -, mon courroux violent Peut estre cessera par le sac d'vne gent. Mardochee m'est peu , et mon ame faschee Contente ne seroit du sang d'vn Mardochee; Si mourra-il premier, iamais mon cœur n'aura Tant soit peu de plaisir cependant quMl viura. Après luy tout ira , et de ce populace Vn seul n'ennuira plus l'Agagienne race. 0 qu'vn seul m'a troublé , combien de maltalent, D'ennuy, de desplaisir me donne ce meschant;
Vn ver perpétuel et vn fier souci mine
Depuis vn si long temps ma despite poitrine ;
le suis impatient ; qui m'ouuriroit le cœur,
Il le trouueroit plein de fiel roux , de rancœur,
De rage, de venin, de cruauté, d'enuie.
Pour voir ce Mardochee et ses frères en vie.
Ha paillard, ha chetif, quand tu as irrité
Premièrement Aman, la mort as mérité :
Mais tant de fois depuis? Ne sauroy-ie mon ire
Te faire ressentir par quelque tourment pire
Que d'vne simple morti ie seroy bien vangé
Quand les corbeaux auront ta charoigne mangé.
Comment estre pourra ma grandeur satisfaite
Et mon cœur assouui de si vile deffaite?
Pour le moins mourras-tu, et ceste douce mort
Me pourra quelque peu recompenser ce tort.
Ha , ne sauroy-ie mieux , et ceste main puissante
Ne peut-elle point plus contre vne ame meschante?
Encores te seroy-ie, ô luif, trop gratieux
Et puniroy trop peu ton chef malitieux
En te faisant mourir, ma cruauté t'est douce ,
Et lasche ma viguœur et ma pointe trop mouce,
Ma vengeance petite , et mon courage humain
Chastie froidement ton brauache dédain.
Helas! que i'ay grand peur que ta mort vergoigneuse
Ne semble de ma main ainspîustost glorieuse,
Et d'âuoir moins d'honneur, pour auoir si peu fait,
Que toi souffrant si peu , quand ie t'auroy deffait.
La mort de Mardochee est dessoubs ma portée,
Mais son péché plus grand que ma force irritée,
Pour le moins mourra-il et dans ce iour icy
Deliuré me verroy de ce cruel soucy, Maugré le Dieu des luifs, duquel la faulse race De ce peuple banni fièrement nous menasse. Maintenant que tu vas au banquet de ton Roy, Voici le temps qui s'offre , Aman reueille toy ! De ceste occasion empoigne la perruque ; Car en vn tourne-main , et de sa chauue nuque La bonté tu verras, et d'vn mortel regret Tu cuiras à part toy vn creue-cœur secret. Sus donc reueille-toy, sus anime ta rage , Assemble ta fureur, rechauffe ton courage Soifueus du sang des luifs-, emprunte la terreur Des infernales seurs , et leur hideuse horreur : Et tout ce que conçoit vne ame forcenée De fier, cruel, sanglant, vne ame abandonnée Au fait d'vne vengeance, et qui ne cerche rien , Fors du malheur d'autruy reconquérir son bien. Mais c'est assés, Aman^ quoy! faut-il tant debatre. Tu as peu aisément d'autres plus grans rabattre. Tu travailles vn peu trop plus que tu ne dois, C'est assés, ie vay voir s' on a droissé ce bois En lieu plus eminent, lequel i'auoy fait faire L'autrhier en despit de mon fier auersaire : Puis , après abaissé en son temps glorieux A fin qu'on ne trouuast à la Cour odieux Qu'à celuy que faisoit honorer Assuere On eust osé droisser vn si laid vitupère ; Pour conduire ce fait et ne le mespriser Mal à temps, il fallait ainsi temporiser.
AMAN, ZARASSE, sa femme,
Voilà l'outrage et la honte, Zarasse,
Que i'ay receu^ l'ennuy que ie pourchasse
A ce vilain retombe tout sur moy,
Et ne sçay pas qu'espérer plus du Roy,
le pense voir sa volonté changée
En mon endroit, ou vn peu estrangee :
Et en tous cas ce n'est pas pour néant
Que i'ay souffert ce deshonneur si grand.
Le Roy ne peut ignorer, ce me semble,
Que ce vieux chien et tous les siens ensemble
le voudroy morts ; ie luy ai demandé
La mort de tous, ce qu'il m'a accordé.
Or, maintenant, ce coquin Beniamite
Plus que iamais arrogant me despite;
Le cœur luy croist ; pour m'auoir veu baissé,
Il s'est soudain plus fièrement haussé^
Il craint pourtant, car il voit la mort preste
A tous les luifs pendre dessus sa teste.
ZARASSE.
Et dea. Monsieur, puisque vous voyez bien Que vous n'auez vers le Roy tel moyen Qu'auiez n'aguere, et le fils de laïre Estre anoncé des premiers de l'empire , Tout maugré vous-, que son crédit flcrit Encor' nouueau, et le vostre flestrit :
Vaut-il pas mieux brider vn peu vostre ire, Laisser vn peu la fortune luy rire, Vous rassurer de l'amitié du Roy, Vous contenter de la cruelle loy, Laquelle il a pour vous plaire establie, Par qui la gent des luifs est abolie?
Outre cela, les sages du pais, Vos seruiteurs , sont bien fort esbaïs.
l'enten très-bien, m'amie, tu labeures Tout pour néant; tu parlerois cent heures Pour destourner mon résolu dessein; Et cognoistrois auoir parlé en vain, Tout est conclu.
ZARASSE.
Au moins oyez partie D'vn bien grand cas, dont ils m'ont auertie.
Que diras tu? i'en ay tant escouté Que i'en suis las; certes ma volonté Ne peut changer, et ma seure entreprise Ne peut souffrir ny delay ni remise.
ZARASSE.
Si disent-ils , que si certainement Mardochee est issu de ceste gent Qui est partout en Persie esgaree, Vous n'aurez point contre luy de durée
Non plus qu'au vent la poudre et le sablon
A de vigueur, ou le couard Freslon
Contre l'auette, ou les biches peureuses
Contre les dens des ourses furieuses ;
Qu'ils ont vn Dieu plus grand que tous nos Dieux
Qui les maintient et garde des hauts Cieux.
Ils ont menti , ie leur feroy cognoistre , Car ie seroy sur eux et leur Dieu maistre , Et n'ay-ie pas la mort d'eux tous au poing?
ZARASSE.
L'Edict est près , l'exécution loing.
Pourquoy leur Dieu les souffre-il esclaues, Puisqu'il les porte et les maintient si braues?
ZARASSE.
Il les punit, mais c'est quand il le veut, Et les punir autre que luy ne peut.
Bien, ie le veux, leur Dieu est invincible. Les luifs bien forts, kur nuire il n'est possible , Aman tout seul est foible et ne peut rien, Et a perdu son crédit et moyen :
Si verrés-vous mille charoignes tiedes Grouiller encor' de ces personnes laides De Palœstine, et tost par l'effort mien Bien deschiré l'orgueil Semeïen.
TRAGEDIE SAINCTE. lOK
LA TROVPE, SIMEON, Juif.
LA TROVPE.
Vous estes donc de ceux qui au païs restèrent Du temps de la ruine, et seulets demeurèrent En leurs vides maisons, quand les fiers Chaldeens Prindrent de nos ayeux, ou bruslerent les biens. On nous a tant conté qu'vn Esdre et Nehemie Ont la saincte Cité remis presque demie : Dictes-nous qu'il en est.
