SIMEON
Ils ont fait grand deuoir.
Mais leur désir excède leur pouuoir :
Leur entreprise a esté renuersee Cent mille fois, et l'œuure retracée; Car ceux qui ont sur eux gouuernement De par le Roy, ont quelque mandement De iour à autre à leur dessein contraire, Ont-ils tout fait, c'est tousiours à refaire, le tay le ioug , la crainte et cruauté Dont tous les iours le peuple est tourmenté. On nous disoit que le Roy Assuere Est beaucoup plus que ses gens débonnaire ; Or, en fuïant l'iniustice des siens Auecque vous soubs luy rendre me viens"; Car ie ne peux endurer dauantage Que i'ay souffert de la cruelle rage
De ses Prœuostz.
LA TROVPE.
Amy, ie vous plain bien , Car vostre long labeur ne vous seruira rien. Vous tombez d'vn escueil dangereux en vn pire , Car le meschant Aman qui gouuerne l'empire Nostre race destruit-, mais dictes-nous pourquoy Plutost n'auez cerché la présence du Roy ?
SDIEON.
Pour ce qu'au temps du gratieux roi Daire , Le gouuerneur n'estoit pas si contraire. le vous suppli , mes Dames, dictes-moy Pourquoy Aman hait si fort nostre loy?
LA TROVPE.
Le discours est bien long, bien fort longue l'iniure
Pour laquelle ces maux le panure peuple endure :
Vous entendrez pourtant depuis le premier trait
Pour quelle cause Aman nous persécute et hait.
AssvERE donnait vn banquet magnifique
A tous les Princes grans de la terre Persique :
La cour de son palais, à quatre rancs entiers,
Estoit bordée autour de forts grans piliers,
L'estoffe d'or massif, et la façon antique
Dont iadis abondoit le Temple ludaïque :
Au sommet cent tapis, pleins d'autant de couleurs
Qu'au printemps les verds prés nous descouurent de fleurs
La rose, ni le lis, ni la fleur immortelle,
La pourpre , le coural , ni l'arc qui nous decelle
L'ordonnance du Ciel, ni l'ovseau excellent
Qui vente à sa compagne un pannache brillant,
Portent couleur en eux dont les tentes polies
Incomparablement ne feussent embellies;
L'artifice de loing nature deuanceoit,
Et en quelques endroits soy-mesme surpassoit;
Tout autour paroissoit vne peinture vifue ,
Et enseignoit comment nostre gent fut captiue.
Là, par l'Assyrien nostre malheureux Roy
Voyoit égorgeter ses enfans deuant soy ;
Le Chaldœen , soldat d'une dextre sanglante ,
Bouillant, écarteloit mainte teste innocente.
Quelqu'vn pilloit le Temple et l'autre le chasteau,
Tel geinoit vne femme et l'autre vn enfant beau.
C'est assés de cela dont triste est la mémoire :
D'autre part se lisoit des Rois Persans la gloire ,
Cyrus tetoit la louue , et Harpacte esprouueoit
Le fiel d'vn Astyaga et ses enfans mangeoit.
Et reuenchoit après la vengeance félonne
Faisant iustement perdre à son Roy la couronne:
Là, Cyrus se haussoit, sur mille Roys, vainqueur!
Mais du fait de sa mort l'ouurier estoit menteur,
Par l'ignorée mort du désastreux Cambyse
La seigneurie estoit à vn vilain acquise.
Soudain par son bon sens Daire la saisissoit,
Et premier au soleil son cheual hennissoit;
On l'aperceuoit bien en vne œuure muette,
La ruse estoit pourtant clairement descouuerte.
Xerxe sur terre ferme vne grand mer creusoit ,
Et ailleurs de la mer vn lieu ferme faisoit;
Mais la fuite estoit teue, et sa honte éternelle,
Et celle tant de fois mal vengée querelle.
Amy, ie ne sçauroy aconsuiure en parlant
La merueille et beauté de cest ouurage grand.
Sur vn paué de marbre et d'iuoire et porphire
Estoient des lits d'argent; qu'est-il besoin de dire
La grandeur du seruice et le riche appareil,
L'abondance des mets et l'ordre nompareil?
Là , le Roy plein de vin , prins d'vn désir infâme ,
Veut à tous faire voir l'Emperiere sa femme.
Comme l'homme iamais n'estime vn bien parfait,
Si qu'il a ce bien-là tout le monde ne sçait,
La Royne Vasthe estoit en vertu sans seconde,
Et bien au demeurant la plus belle du monde :
Or, voulant à la loy des Perses se renger
(Que la femme d'autruy ne voye l'estranger)
Refuse son mary, qui des l'heure la laisse ,
Suiuant le dur arrest des vieux sages de Perse.
Combien de fois pourtant luy vint la larme à l'œil
Pour auoir de Nochee approuué le conseil !
Or l'exécution du conseil de Nochee
Feit la nièce espouser au Roy, de Mardochee,
Qui surpasse de loing ceste autre en saincteté
Et ne luy cède point en parfaite beauté.
Fort peu de temps après , quand Thare et Bagathee
Eurent la mort du Prince ensemble complotée,
Mardochee descouurit leur coniuration,
Et souffrirent les deux griefue punition.
Aman, qui n'ignoroit la trame encommencee
Et qui portoit les gens de la Royne laissée,
De ceste heure conceut vn mortel maltalent
Encontre Mardochee et toute notre gent.
Or, se voyant en Cour fortune si prospère ,
TRAGEDIE SAINCTE. iM
Il tira ceste loy du cachet d'Assvere,
Et maintenant cecy le fait désespérer
Que le père d'Esther ne le veut adorer.
Sur tout il a la bride à sa rage laschee
D'auoir esté contraint de scruir Mardochee.
Il est impatient, car quand il est au iour,
Il luy tarde beaucoup que la nuit n'ait son tour;
La nuit il veut le iour, car maint songe effroyable
Luy fait redemander la lumière agréable;
Il oublie son rang, sa charge et maiesté,
Il porte vn front d'azur et vn œil despité.
Tout son corps est succé d'vne peste secrète,
Ses dens pleines de rouille et sa face desfaite,
Sa langue a du poison, et du venin son cœur.
S'il sort de chez le Roy, la crainte et la terreur,
La haine et la fureur pas à pas le talonnent.
Et à cruelliser nostre gent l'esguillonnent.
Vous entendes quelle est nostre condition :
Nous sommes tantost près de l'exécution
De ce fascheux Edict; et outre Aman espère
Et se vente par tout d'optenir d'Assvere
La mort de Mardochee, et le tient-on pour fait,
Car ordinairement il fait ce qui luy plaist.
Il nous reste au Seigneur seulement espérance.
Qui aux désespérés descouure sa puissance.
