U AVANT -PARLER
vostre, m'estant persuadé que ce me seroit \n singulier bien, honneur et contentement d'esprit, s'il vous plaist me tenir en vostre bonne grâce comme le plus affectionné à vostre seruice, et le plus grand admirateur de vostre vertu que vous sçauriez iamais rencontrer. Si ie gagne ce point , ie feray bien entendre à la postérité, Dieu aidant, que ie m'en tiens fier et glorieux, comme d'vne très-riche conqueste. le viens maintenant à ce que ie vous veux discourir et communiquer du faict qui s'offre.
Si la disposition des temps m'eust peu souffrir mettre au iour les amples commentaires que i'ai faicts, il y a bien six ans, sur Electre, tragédie d'Euripide, nouellement née par le labeur de Pierre Victorius, et non encores exposée d'aucun, ils me dispenseroyent de ceste heure (comme encore enten-ie qu'ils me dispensent à l'aduenir. Dieu aidant) du trauail, que l'eusse autrement pris au sueil de ceste œuure, de donner plus grande clarté à ceste partie de la Poésie. En laquelle depuis les premiers Grœcs nul homme, à mon auis, a fidèlement versé ni s'est composé au vray et naïf artifice que Seneque seul , qui encores ne se est du tout formalizé ni à l'art ni à la façon des anciens. Vray est que ceux qui auront bien leu le petit traité d'Aristote n'auront pas grand besoin ni de tout ce que i'ay escript en mon liure, ni de ce que ie sçauroy enseigner icy. Porquoy ie les renuoye là ce pendant fors en ce qui n'est si bien rapporté à Testât de nostre temps, à l'humeur de nostre nation et à la propriété de nostre langue, sans quoy
D'ANDRE DE RIVAVDEAV. 45
le plus habile Grœc de chrestienté , ni le philosophe mesmesqui en a escript, encores qu'ils entendeissent nostre langage, sçauraient bien bastir une tragédie françoise. Cela se cognoistra aux discours que l'en ai faict sur Electre. Maintenant ie n'en ay rien à dire, fors que ceux qui font des tragédies ou comédies de plus d'vn iour ou d'vn tour de soleil (comme parle Aristote) faillent lourdement, ce que ie di hardiment combien que Terence ait donné deux iours à son Eautontimorumene (c'est-à-dire à celui qui se chastie soy-mesme), et d'autres de mesmes. Car en tout cela ne se peut sauner du vice , mais il est monstrueux d'y mettre beaucoup de mois ou d'ans , comme font quelques-vns. Mais ces tragédies sont bien bonnes et artificielles, qui ne traitent rien plus que ce qui peut estre advenu en autant de temps que les spectateurs considèrent l'ebat. Le vocable du philosophe, icy poète, est fort propre pour ce que ie veux dire, et il est traduit par Marc Ciceron au commencement de son liure des Orateurs renommes à vn autre propos.
Mais ie ne mesle point de grœc parmi le françois. le conseille à ces songes de poètes qui ont tant tiré à la courroye de l'Escriture sainte, sans faire vn seul brodequin qui valust, que quand ils voudront amener vn messager sur l'eschaffaut (qui ait en voyage de plus d'vn jour affaire) , qu'ils le facent parler ia retourné ; s'ils veulent envelopper en leur farce vne chose auenue deuant, qu'ils la facent conter sans la représenter. Il y a mille autres moyens pour couurir son ieu que ie veux bien croire qu'ils entendent. Vn
