AVANT -PARLER

moindre vice est de ce qu'ils appellent les machines, c'est-à-dire les moyens extraordinaires et surnaturels pour délier le nœuG de la tragédie : vn dieu fableux en campagne, vn chariot porté par vn dragon en l'air, et mille autres grossières subtilités sans lesquelles les poètes mal fournis d'inuentions ou d'art, ou mesprisans ce dernier, ne peuuent venir à bout de leur fusée ni depestrer le nœud gordien , sinon de la façon du grand Alexandre, à coups de baston. Aristote marque ceste faute en la Medee, et ie l'ay cottée en Electre auec d'autres. Or, il ne faut imiter leur licencieuse façon, que nous pouuons blasmer comme Horace tenaille franchement celle de Plante en son Art Poétique, ou ie renvoy aussi ceux qui voudront lire quelque chose de la tragédie, et à vn gros volume qu'en a faict vn Scaliger, dont ie n'ay veu encore que le titre.

Assez de cela. La dispute ne semble estre encore bien résolue entre les doctes de quel temps est escheiie l'histoire d'Esther, et quel est ce roy Assuere; car quelques-vns le veulent estre Astyages, huitiesme Roy des Medes, que Daniel appelle Assuere. Cestuy-cy fust fils du vieux Daire, autrement nommé Cyaxare, grand père de Cyrus, qui fust aucteur de la seconde monarchie des Perses. Ceux-là enferment le liure d'Esther au temps des soixante et dix ans de la captiuité de Babylone, et le tenant pour chose toute certaine , le font mettre au commencement des bibles comme vn oracle. C'est trop hardiment besongné que cela. Et n'ont ces hommes , à mon auis, aucune

D'ANDRE DE RIVAVDEAV. 47

plus grande raison de ceste leur si grande asseurance, sinon cecy, qu'il ne se trouue aucun autre Assuere que cestuy-là , ni en la monarchie des Medes ni en celle des Perses. Or, voyons nous que manifestement c'est Assuere qui est appelé Artaxerxe en la partie apocryphe d'Esther, combien qu'en ceste-cy il y a en quelques endroicts toute apparente diuersité d'auec celle qui est canonique et receiie, laquelle on peust voir au sixiesme et douziesme chapitres des présents faicts à Mardochee. Toutefois l'auctorité ne doibt pas estre petite des choses que on a trouuees en la version des soixante et dix interprètes, ne fust-ce que pour l'ancienneté , et qu'il n'est pas vray semblable qu'ils ayent failly aux noms et aux temps, quand à ce qui estenl'XlC, et d'ailleurs, que Mardochee estoit de ceux qui furent transportés par Nabuchodnezer, ce qui se peust alléguer pour faire cheoir le faict au temps d'Astiages, deuant Cyrus, autheur de la déliurance, selon l'Escripture saincte. Maintenant, loseph, luif, qui n'a ignoré cela, nomme ce roy Artaxerxe. Métasthène, Perse de nation, aux Annales anciennes, le surnomme Artaxerce Assuere; mais il le met après Daire Longuemain, laissant Xerxe pour ceste raison, ce me semble, que embesongné au voyage d'Europe, qui fust long, cestuy-cy gouuernoit l'Orient auec auctorité presque royale, et que Xerxe estant retourné en son royaume ne feit plus rien de bon, et fust tué deshonnestement par ses propres gens. Neemie et Esdre laissent aussi Cambyse et Xerxe, et comptent ces trois seuls : Cyrus, Daïre et Artaxerxe, comme on peut voir en vne demi douzaine de pas-

48 AVANT-PAKLER

sages , et particulièrement au sixiesme chapitre d'Esdre; car Esdre vescut pour le plus du temps durant Artaxerxe, comme on peut lire à ce liurelà; mais tout certainement la chose va ainsi. Cyrus embrasse la seigneurie des Perses de la façon que tout le monde sçait, tant par l'histoire profane que par la saincte, en laquelle il est appelé l'oinct du Seigneur. 11 iouissoit seul d'Assyrie, Mede et Perse, iusques à la mer Ionique, comme dict Thucydide; il commença à régner à quarante ans, et mourut trente ans après. Esaye, quelques centaines d'années deuant, auoit prophetizé qu'il rebastiroit le Temple. Cambyse luy succéda. A cestuy-cy Daire par sort, ou plustot par l'ingénieuse façon dont il feit hennir son cheual, etfust deffiiict par Miltiade à Marathon. Xerxe, dix ans après la iournée de Marathon, perdit son armée à Salamine, Tan delà fondation de Rome 266, du temps mesmes que Coriolan mena les Volsques contre les Romains ses citoyens. Aussi Plutarque le compare à Themistocle, qui vescut en mesme temps. Artaxerxe suyuit son père Xerxe, qui fut surnommé Longue main, duquel il faut entendre ce que dit Plutarque sur la fin de la vie de Themistocle, qu'il se retira vers le grand Roy des Perses. Il fut grand père d' Artaxerxe Mnemon, la vie duquel a esté escripte par le grand personnage que i'ai tantost nommé. Au reste, homme débonnaire, paisible, et recommandé par toute l'histoire pour sa très-grande douceur, et par Esdre pour l'auancement qu'il donna de tous moyens, conseil, commandement et finances au bastiment du Temple, comme on peut cognoistre par le

D'ANDRE DE RIVAVDEAV. 49

troisiesmc de ce prophète, où il y a vne copie de lettres-patentes du grand Uoy Artaxerxe à Esdre prestre et docteur de la loy du Seigneur. Sebastien Munster, escriuain moderne, veut faire place après Xerxeà vn Artaban, sans raison et propos du monde. Plutarque fait mention en son Themistocle de vn Artaban , capitaine de mille hommes de pied, qui esloit du temps d'Artaxerxe. Et de cestuy-là mesmes lustjn escript bien quelque chose ; mais Munster a resue en couronnant ce capitaine contre l'auctorité d'Hérodote, Metasthene, Perse, loseph iuif , lustin lan Zonare et lan SIeidan, lesquels tous ne parlent nullement d'Artaban comme dVn Roy.

Metasthene dit bien qu'Artaxerxe Assuere eut trois enfans, Cyrus, Artabane et Daire, qui débattirent longuement de l'empire à force d'armes; mais ce n'est rien qui puisse sauner ce bon Aleman , car vn Canon attribue notre histoire à Daire, grand père d'Artaxerxe, abusé de ce que Philon l'appelle Daire Longue-main , et songe qu'Esther est prise pour cette Aristhone que Daire aima infiniment, outre la Royne Atosse, sa femme. Et faut cet asseurer en mille sortes, et au temps, et au nom, et à la chose; car, pour taire le demeurant, l'Escriture sainte et loseph enseignent notamment qu'Esther fut femme espouse du roy des Perses après Vasthe. 11 est mal aisé de se forpaiser en cela. Mais quant aux noms et à la suite de ces rois, il est assez aisé de s'y mesconter, car on y trouue quelque doute mesmes aux hures de Neemie et Esdre, et y a vne toute cognue diuersité