ELEGIE DE LA DIFFERENCE D'AMOVR ET DE MARS

COMPARANT Cupidon auecques le Dieu Mars, Grande est la différence à mener leurs soudars : Commander et aimer l'vn de l'autre différent, Violence et amour l'vn par l'autre s'altèrent. Vn Empereur par soy dessus les autres peut, Et par puissance il fait ce que luy-mesme veut. L'amoureux, au contraire, est par soy sans puissance Et par vn autre il prend de soy la ioùissance, 11 renaist dedans soy par celle qu'il cherist. Et s'eslongnant de soy en elle se nourrist :

Vn mutuel amour est de grâce infinie, Car d'vne seule mort on tire double vie,

L'vne dans la personne où nostre esprit se tient Quand par pensée ardente elle nous entretient, L'autre quand par après nous pouuons reconnoistre Que nous sommes au cœur où nous desirons estre.

O bienheureuse mort que double vie ensuit

Et où l'on se recouure alors que l'on se fuit :

O gaing inestimable où sont en telle sorte

Deux personnes vn seul qu'vn seul vn les suporte

Tellement toutefois que chacun de ces deux

Est fait deux pour vn seul par vn gain bienheureux

Et sont comme vn iumeau auquel, quand il arriue

Qu'il meure, il luy aduient que deux fois il reuiue.

Celuy qui est aimé doibt aimer son amant, Autrement il n'a point de iuste iugement : Seulement il ne doibt aimer quiconque l'aime, Mais il y est contraint s'il s'estime soy-mesme.

Semblance engendre amour, et semblance est cela Que quelque bon génie en plusieurs égala. Or si ie vous resemble il est bien vraisemblable Que vous n'estes aussi pareillement semblable, Donq ce qui me contraint d'aimer de mon costé Vous contraint de m'aimer et par nécessité.

Outre plus l'amoureux soy-mesme s'abandonne

Et se baille à celuy dont il s'affectionne. L'arae donq doibt exprès aimer son amoureux Gomme sa chose propre et en estre songneux. Dauantage l'amant en son esprit engraue La figure du corps duquel il est esclaue, Tellement que l'esprit de l'amoureux parfait Est vn miroir auquel l'aimé voit son portrait.

Auisez par ces points qu'icy ie vous propose, Si vous ne deuez pas m'aimer sur toute chose, Veu que ie vous chéris et vous aime si fort Que pour viure auec vous ie me donne la mort.

lofe

5tf7