STANCES DE L'IMPOSSIBLE

L'esté sera l'hyuer et le printemps I*^autonne, L'air deuiendra pezant, le plomb sera léger : On verra les poissons dedans l'air voyager Et de muets qu'ils sont auoir la voix fort bonne. L'eau deuiendra le feu, le feu deuiendra l'eau Plustost que ie sois pris d'vn autre amour nouueau .

Le mal donnera ioye, et l'aize des tristesses!

La nege sera noire, et le Heure hardi,

Le lion deuiendra du sang acouardi,

La terre n'aura point d'herbes ni de richesses;

Les rochers de soy-mesme auront vn mouuement

Plustost qu'en mon amour il y ait changement.

Le loup et la brebis seront en mesme establc

302 ŒUVRES POÉTIQUES d'aMADIS JAMYN.

Enfermes sans soupçon d'aucune inimitié :

L'aigle auec la colombe aura de l'amitié

Et le Chameleon ne sera point muable :

Nul oyseau ne fera son nid au renouueau

Plustost que ie sois pris d'vn autre amour nouueau

La Lune qui parfaict en vn mois sa carrière

La fera en trente ans au lieu de trente iours;

Saturne qui acheue aueq trente ans son cours

Se verra plus léger que la Lune légère :

Le iour sera la nuit, la nuit sera le iour

Plustost que ie m'enflame au feu d'vn autre amour.

Les ans ne changeront le poil ni la coutume, Les sens et la raison demeureront en paix, Et plus plaisans seront les malheureux succès Que les plaisirs du monde au cœur qui s'en alume. On haïra la vie, aimant mieux le mourir Plustost que l'on me voie à autre amour courir»

On ne verra loger au monde l'espérance j Le faux d'auec le vrai ne se discernefa^ La fortune en ses dons changeante ne seraj Tous les effects de Mars seront sans violencéj Le Soleil sera noir, visible sera Dieu Plustost que ie sois veu captif en autre lieu;