este manqui

LA MANEKINE 36 I

apriès ce que ils orent prins toutte leur réfection et que nostre saint père le pappe les ot absols et beneis, ils firent par lez maron» niers préparer le navie que pour monter ens au plus matin. Et adont fu ordonné que ils en menroiient les deux filiez du sénateur pour icelles mari£r a la discrétion et volenté du roy d'Escoce, comme il fist. Car Tistoire dist que il les maria si noblement que elles furent ducesses et contesses, et que d'elles yssy une tresnoble génération. Quant ce vint le matin et que tbuttes choses furent ordonnées et préparées, comme dit estoit et deviset, les deux rois, la roy une et touttes leurs gens prinrent congiet a ceulx aulxquels ils estoiient tenus du faire, et entrèrent en leur nef. Et li maronnierz levèrent les veilles, si feri le vens ens, qui tantos les eult eslongiésdu port. Par lequel vent au plaisir de nostre seigneur en bien brief terme sans nul quelconque empeschement dont l'istore face mention ils ariverent en Hongherie en une des chités ^ du roy, du nom de laquelle ne fait l'istore point de mention, en laquelle ils furent rechups en tresgrant joiie et honneur comme leur seigneur droit urier.