CHAP. LXIII

Conment le roy d^Escoche fu roy de Hongrie et depuis roy de Hermenie adcause de sa femme Joiie.

(f. 123') Tout prestement que ils furent retournez, comme dit est, les nouvelles en furent espandues par tout le paiis, c'est assavoir conment Joiie, la fille du roy qui jadis s'estoit la main coppee, estoit retrouvée, et que Dieux avoit fait telles miracles en elle que elle ravoit sa main, et si estoit mariée a ung noble roy trespuissant qui estoit roy d*£scoche et d'Irlande. Desquelles nouvelles le peuple fu si remplis de joiie que ils ne savoiient que faire pour eulx plus resjoir, et s*en venoiient de touttez pars pour elle veoir et bienvignier, et par espetial tous lez haulx barons du pays qui moult joiieux en estoiient. Et lors le roy de Hongherie fist convenir devant li tous ses pers et les barons et seigneurs de son pays, en la présence desquelx ils se deshireta de tout son règne,

4 chite

ptjuirce que fa i) estoit tour plains de jours, et le reporta en la main du roy d'Escoche. Et contnanda a tous ceulx qui estoient la présent que ils lui feissent hommage comme a leur seigneur droiturier". Lesquels le firent ensi et le rechuprent tresdebonnairement et sans contredit, et puis le menèrent par louttes les chîtez du pays, la ou ils le firent recepvoir et lui firent faire hommage, tel que au cas lui appertenoit. Ens esquelles chitez cascun faisoit tant de joiieuseté que nul ne le saroit mettre par escript, tant en faisoiient. Apriès lesquelles réceptions faittes ils firent envoiier ^ une tresgrant somme d'avoir et de deniers au sénateur de Romme en eulx reconmandant a H et en l'acomplissementde leurs despen^ si en fu moult joiieux ledit sénateur. Quant touttes ces choses furent acompliîes et faittes et que ils estoiient ensi que a repols en Tune des chités ^ du pays, il advint nmg jour que le viel roy et son biau fil et sa fille seoient au mengier, si vint ung messagier devant leur table et salua la compagnie de par tous n les barons d'Ermenie, en disant que ils se reconmandoiient tous a eulz et mdsmement a la damme Joiie, de laquelle ils avoiient ja oit la nouvelle, et lui mandoiient que elle venist relever et prendre la posession de son reaime d'Ermenie, lequel lui estoit esqueuut de par sa taye, femme du roy d'AUemaigne, laquelle fu jadis fille au roy des Hermins, et ce lui mandoiient il sur leur seaulx. Quant les deux rois et la damme virent les lettres patentes que chils messagier avoit aportees, se ils furent joiieux ce ne fu mie merveilles, car de menres nouvelles est on souvent bien resjoîs. Se li donnèrent don, selonc ce que a eulx il appertenoit. Et puis, quant ils le eulrent congoy du tout a leur volenté, ils lui dirent que ils s'en retournaist et si saluast tous les barons du pays, et lors lui baillèrent leurs lettres, en eulz mandant que en brief terme ils seroiient ou pays, et feroiient tant que ils seroiient bons amis ensamble. Si se parti le message, tant que il fu retournez au pays, la ou il reconta tout Testât du roy et de la roynne, dont tout le peuple fu moult resjoîs. Car ristore dist que grant tamps ils avoiient esté sans avoir seigneur pour la perte de la damme Joiie, comme il est chi devant contenut. Si se conmencherent a préparer pour recepvoir leur seigneur et leur damme seloncq ce que a eulx appertenoit. Et pareillement se conmencherent a préparer les deux rois devant dis et la roynne que pour passer et aller en Ermenle. Mais aynchois que ils se partissent, ils marièrent les deux filles du sénateur de Romme et les donnèrent a leur deux seneschaulx, c'est assavoir a celli de Hongrie Taisnee et a celli d*£scoche la malsnee, et' la fu-