Virgule

LA MANBKIIIB 275

CliAP. VI

Conment messages furent envoiiés par touttes terres pour trouver femme qui pleust au roy.

Quant ce vint le huittieme* jour «priés, les seigneurs devant dis > se remirent ensamble et s'en vinrent moult honnourablement par devers leur roy« Auquel, moult notablement et par pluiseurs belles raisons et bien conduittez, il lui remoustrerent les besoingnes de son realme, en quel point il estoit, et finablement que par droitte pure nécessité il lui convenoit reprendre femme pour avoir génération qui son règne fuist * digne de gouverner après son décès. Asquelles remouatrances le roy mist moult de altercations, car il lui souffissoit son estât, et n'estoit plus son intention (f. tj *) de soy remarier, pource que il voloit tenir couvent a sa femme trespassee. Au darain, lui veant que son peuple n'estoit dece content, cremans et doubtans que aucune rébellion ne s'en mouvesist, leur accorda que il estoit contens de reprendre femme par condition que il lui en trouveroiient une osai noble, ossi belle, ossi bonne et ossy sage, et que de meurs elle ressamblast comme avoit esté sa femme darainement trespassee ; car ce avoit il juré par sairement. c Et vous savez, » disoit il, « mes trescbiers amis, que paroUe de roy doit estre tenue. Si me veuilles ce acorder, et je suy contens de décliner a vostre bon plaisir faire. » Quant ces seigneurs olrent parler le roy en telle manière, ils en furent tresjoieulx, et leur sambla que assez on en trouveroit par le monde d'oussi belle ou plus, et pource prestement il lui accordèrent et lui promirent que adce faire il y metteroiient toutte la dilligensce que mettre y polroiient. Incontinent et sans delay on eslisi douze hommes sages ^ et trèsbien aprîs de tous langhaiges, lesquelx par pluiseurs ans et par pluiseurs fois avoiient tresbien congneu la roynne, et elle meisme leur avoit fait moult de biens a son vivant, si Ten amoiient mieulx.