CHAP. XXVI

Conment le roy d'Escoche doulousa en amant ^ la belle

Jolie, dist Fistore.

iV. i48g'i8oi).

Maintenant en descendant a nostre pourpols nous devons remoustrer l*estat et ordonnance de ce bon roy d'Escoche que il maintint en amant la belle Joiie, dont Tistoire dist en telle manière. Il advint ung jour que le roy avoit esté ju6r es chambres des dammes, la ou il s'estoit esbanii^ a la damoiselle Joiie par moult de manières d'esbattemens, et avoiient entre eulz recordés plutseurs gratifiuz mos, comme font et doivent faire tous gentils coers. Si s*estoit retrais en sa chambre pour aller dormir et reposer. Mais quant il fu couchiés, il conmencha a penser a la damoiselle par moult de manières. Et en ce penser il conmencha a soy tourner et retourner, ne nullement endormir ne se pooit. Et tant que il conmencha a dire a lui meisme : a Or sui je bien plains de folie quant tant je puis, et si ne puis riens, et par espetial je ne puis mettre raison en ma pensée, et si ne puis mon coer gharder que je ne pense malgré moy a ceste damoiselle, pource seuUement que son tresgratiéux maintieng et sa tant belle chiere me plaist oultre mesure, et si me croist * ceste pensée, et de nuit et de jour hoster ne m'en puis, ne je ne dure point se (^) aveuc elle je ne suy a séjour. O vray Dieu! » disoit il, « je ne quidoiie point que amours eust telle puissance que moy faire ensi décliner, moy qui sui puissant et redoubté. Et touttefois raison m*aprent que, se je poursieus mon désir jusques a outrance, il y a deux meschief, dont l'un m*en puelt venir, ne faillir nullement je n*y puis. Le premier si est : se j'en fay ma damme par amour et que en elle je passe le apetit de la char, ce me sera reprouvé, et dira on que je seray faulx et desloyal et tresvollaige et de peu de discrétion de avoir deflouré une tant noble et amanieree damoiselle, et espoir ossy elle est de tel lieu issue que j'en vaulroye mains. A Fsutre