CHAP. XXXIV
Conment le roy d^Escoche par mer passa et en vint en Franche au tournoy de Ressons.
Quant le roy eult disposé de son reaime et de sa femme comme dit est, il fist son appareil tresgrandement. Et dist l'istore que il eult en sa compagnie cent chevaliers, tous jovenes, fors et hardis, tous parez d*une parure tant richement que mieulz on ne seult deviser, tous lesquelx avoiient leur famillez, ensi que a eulx appertenoit. Et puis fist préparer nef et barghes pour passer oultre. Quant tout fu appareillié, il print congiet a sa femme, laquelle menoit ung merveilleux doel. Et tant que elle lui dist que son coer lui gisoit tresmal et que jamais ne le verrait que ils n'euwissent ou l'un ou Tautre rechupt tresgrant damage. Niéntmains apriès ce que le roy Tôt moult reconforté par moult de manières, il monta a cheval a toutte sa compagnie et s'en vint a Berulch« et puis fist mettre chevaulx et barnas en la mer si monta au plus tost que il peult. Et ne tarda ghaires que le vent leva, se feri es voilez qui ja levé estoiient, si eulcent tellement le vent a souhait que en peu de tampz il ariva en Flandres a FEsduse, et la print port sans quelconque empeschement. Tantos que il fu la venus, il enquist et demanda ou estoit le conte de Flandres, se li fu dit que il estoit a Gand. Et prestement que il le (^) seult, il envoya devers lui en le saluant moult honnourablement, et en li priant que il lui pleuwst laissier paisiblement passer parmy son pajrs pour aller a la feste du roy Phelippe de France. Laquelle requeste lui accorda debonnairement le conte, et 11 pria que il venist par Gand et que il lui tenroit compagnie en laditte feste. Si le fist ensi le roy d*£scoche. Car Tendemain quant il eult oy messe a l'Esduse, il s'en parti, et vint a Gand la ou le conte le rechupt tresjoieusement, et disna a Gand et souppa aveuc le conte que on appeloit Robert et de sournon le Frison. Et dist l'istore que en celle nuit ledit conte de
3i8 ul manekinb
Flandues hxi acorda de estre de sa maîsnie au tournoy de Ressons a quarante cheyalîers, dont le roy d'Escoche fu moult Joyeuix. A rendemain ils se partirent tous ensamble et s*en allèrent jusques a riUe la ou ils séjournèrent aulcuns jours pour eulx rafreschîr et mettre apoint touttes ^leur besoingnes^ Et puis s'en partirent et s'en allèrent tout parmy le Vermendois, tant que ils furent a Ressons *, la ou ils eulrent hostel a leur devis. En ceste ville de Ressons, comme diient les histoyres, fu > ung moult riche tournoy, et de la en fu ung aultre remis a Ëspernay. En tous lesquels deux se prouva moult noblement Conon, le roy d'Escoche, entre tous les seigneurs quy y furent. Et diient Ite faistores que il y enlt grans nombres de seigneurs, comme premièrement Phelippe le roy de Franche, Hue son frère, le ducq Raoul de Bourgoingne, le duc d'Orliens, le duc de Bourbon, le conte Ghodeffroy de Louvming, Bauduin conte de Haynnault, Robert conte d'Artois, et tant d*auU très que sans nombre. Et di£nt aucuns que en ce tamps le plus grant partie de ces seigneurs secroisoiient^et en allèrent conquester la sainte chité de Jherusalem, se en firent Ghodeffroy de Loraine roy, et fu sornommez de Buillon. Dieu ait les âmes de tant nobles seigneurs, dont la renommée est escripte ou livre de vie, et doint bonne vie ault vivans! Nous lairons a parler de ce pourpols et poursieurons nostre matere, c^est a remoustrer la grant trayson que on fist a la belle Manequine, roy n ne d'Escoche, (f, gg 'J dont elle fu sept ans en grant povreté.
