MADAME

le me presante à vne Princesse de qui la grandeur se peut plustost admirer que dire, & de qui la gloire est respandue en tant de lieux, que tout le Monde n'est qu'vn Temple où sa Majesté est adorée de tous les peuples, Se chantée de toutes les langues de la Renommée. le m'adresse à vne Royne, pour qui le Ciel est ialoux de la terre, pour qui les Siècles passez enuieux du nostre, voudroyent auoir esté retardez iusques à ce temps, pour auoir l'honneur de l'auoir faict naistre. Se pour qui les Aages suiuans souspireront de n'auoir esté plustost aduancez, pour voir en leurs iours vne si glorieuse Princesse, que la publique voix de la Mémoire leur fera recognoistre & désirer. Or Madame, encores qu'on me puisse accuser de presumption en vous adressant cette petite Bergère ; toutesfois puis que c'est la coustume des Escriuains de parer le front de leurs œuvres, comme d'vne Sauue -garde contre le Temps, du Nom de quelque illustre Personne, que le sang & le mérite recommandent à la Postérité ; Permettez moi que ce petit Liure ait la faueur de porter le vostre Auguste, qui par vos Vertus estant immortel, empeschera par le respect de cette qualité que les Ans n'ozeront l'attaquer quand ils luy verront cette marque sacrée sur la face. Ainsi ce que i'ai entrepris n'est qu'à fin que ceux qui me surpasseront à bien escrire, me cèdent en l'Election que i'ay faitte de vous dédier cest Ouurage, & par lui l'Ouurier, de qui (s'il vous plaist) vous excuserez l'ignorance par le désir qu'il auoit de se presanter à vous, & montrer qu'il ne souhaitte que de viure

Madame, de V. M.

Le tres-humble & obéissant seruiteur,