AU NOM DE M"" LE COMTE DE CHEUERNY SON BEAU FRERE

Guerrier qui te rendant si fameux par la terre Es de tous admiré, mais de bien peu suiuy : Sage Achille François qui viuant m'as seruy De conduite et d'exemple aux hazards de la guerre :

le preuoy qu'enfermant au sein de ceste pierre Ton cœur qui me resta quand la mort t'eust rauy, Les vaillans y viendront honorer à l'enuy Et sa muette cendre et le lieu qui l'enserre.

C'est pourquoy quelque ioye adoucit mes regrets, Et fait que mainte fleur rit parmy les cyprez Qui de mon iuste dueil te rendent tesmoignage.

Puisse-ie, ô grand guerrier, ta vertu m'inspirant, Tesmoigner par effect que tu m'as en mourant, Aussi bien que ton cœur resigné ton courage.