A MONSEIGNEVR LE MARQUIS DE ROSNY

GRAND MAISTRE DE L'aRTILLERIE DE FRANCE, ETC.

SONET

Esprit infatigable aux trauaux des affaires, Qui semblez comme Argus auoir cent yeux ouuerts Espandans tout d'vn coup sur mille objects diuers Les vigilans regards de leurs soins salutaires.

Esprit par qui soudain les plus secrets mystères De la toison dorée ont esté descouuerts Et de qui le renom courant par Fvniuers Conte mille vertus vtilement seueres :

Esprit qu'on ne reprend de rien que de rigueur, Tel s'offense de vous qui vous prise en son cœur. Bien qu'à vous accuser son despit le conuie :

Car ayant le bien-faire et l'honneur pour object, Quand vos seueritez en donnent quelque enuie, Vostre intégrité seule en oste tout suject.

A LVY MESME.

11 ne faut point vanter, pour orner vostre gloire. Les illustres ayeuls dont vous estes issu. Bien que vostre valeur semble en auoir receu Ce qui peut à iamais honorer sa mémoire.

296 ŒVVRES POÉTIQ VES

Assez vous ont acquis dcquoy viurc en l'histoire. Les monts de ce Duché ' superbement bossu, Où maint sage dessein par vous mesmes tissu Nous a donne la paix non moins que la victoire.

Assez vostre mérite enrichy de tant d'heur Vous fait outrepasser vos ayeuls en grandeur, Quelque fameux laurier qui leur ceigne les testes :

Vous estes leur honneur, non eux vostre ornement : Et faut pour vous louer raconter seulement Non ce qu'ils ont esté, mais cela que vous estes.

A MONSIEVR DE BETHVNE

SUR LA CHARGE QUE LE ROY LUY A DONNEE D'AM- BASSADEUR POUR SA MAJESTÉ A ROME.

Allez, belle ame, allez : poursuiuez de grauir ï

Sur le roch où s'acquiert vn honneur perdurable, Et de tendre à ce bien iustement désirable Dont iaraais vn grand cœur ne se doit assouuir.

Rome plus que l'Escoce est digne de seruir De théâtre aux vertus qui vous rendent aymable, Pour vous ceindre le front d'vn laurier mémorable Que nuls siècles futurs ne vous puissent rauir.

Bien qu'il nous soit amer de perdre vostre veuë. L'honneur dont vostre charge est dignement pourueuë Nous rend ce desplaisir plein de contentement.

L'amitié fait ailleurs désirer la présence. Mais au contraire icy, vous aymer ardamment Nous fait auec ardeur souhaitter vostre absence.

I. Duché. Ce mot a été longtemps du genre féminin. Sévigné dit encore « la duché de Rohan ». — Cf. Littré.

DE M. BERTAVT. 297