A M™« DE C

Cestoit le jour que le chasteau Celebroit sa plus grande feste, Ou tous les ans maint jeu nouveau On jouoiî de coustume honneste.

Là chacune changea son nom :

Junon se nommoit Hypoliîe, Pasithée pour son surnom Voulut estre Marie eslite.

Thalie dit : « Et j'ayme mieux Avoir nom Renée divine; Et moi, Eufrosine, je veux Tourner mon beau nom en Francine. »

Hyppolite avoit attiré Une troupe de damoiselles ; Après soy, du ciel azuré Cestoient en beauté des plus belles,

« Allon, mes filles, mon soucy, Allon, dit-elle, en ceste sale :

Que chacune de vous icy Ses plus rares vertus estalle. »

En celle sale estoit bonheur.

Beauté^ vertu, la bonne grâce ; Les plus belles perles d'honneur Honoroient de leur corps la place.

Personne pourtant n^a rien veu De la venue des Déesses; Elles entrent à l'impourveu Dedans les corps de noz maisîresses.

Toutes les belles de la Cour Du grand Roy qui régit la France Estoient venues, puis le jour, Pour honorer du lieu la dance.