CHAPITRE XXVI

Comment Hector de Saveuse fit relation au comte de Ligny do l'entreprise faite par les Anglois sur les dauphinois.

Or estoit retourné Hector vers son capitaine, le comte de Ligny; et entièrement luy conta comment la chose estoit advenue, et la destrousse que les Anglois avoient faite, ensemble aucuns autres de son armée, grandement à sa foulle et à son déshonneur pour l'amour de son saufconduit. Sy en fut ledit comte si troublé et yré qu'il n'en pouvoit plus, et souverainement pour ceux qui estoient sous luy, parquoy tout esmu de courroux envoya prestement vers le seigneur de Croy, luy signifier qu'il luy envoyast Butor, son frère, le bastard, lequel du grand blasme et offense faite envers luy, par rompre son sauf-conduit, il vouloit punir ; et manda pareillement au sire de Longueval pour avoir le bastard de Divion, frère de sa femme. Les deux seigneurs, Croy et Longue val, peu accoutans à tel commandement de rigueur, et eux sentans non foibles, refusèrent tout plat l'envoy; et disoient que leur sang n'estoit à punir par ceste manière, ni par courroux, ni par hauteur, combien que leurmespris leur desplaisoit assez, ce dirent. Et adont les messages véans les peu estre enclins h vouloir obéyr audit comte, renforcèrent leur langage,

et, comme leur maistre leur avoit donné en charge, redoubloient de reclief , et disoient : que s'ils ne les délivrassent et tramissent audit comte , luy-mesmes les viendroit quérir à force en leur logis. A quoy Longueval respondy bien aigrement, et comme très-mal content, que il ne luy conseilloit pas de y venir, et que s'il y venoit, et il ne fust le plus fort, il ne les ameneroit point, car l'ayderoit plus tost à tuer luy-mesmes. Desquelles paroles rapportées et hautement levées, avec plusieurs autres, il s'en engendra une très-grand hayne entre les deux parties, qui depuis dura longuement Lien aigre. Toutes- voies n'y eut autre force faite pour celle heure, car les bastards, acteurs de ceste besongne, se partirent secrètement et prirent le large où bon leur sembloit.