CHAPITRE XXV

Comment deux mille Anglois arrivèrent devant Roye, et d'un débat entre le comte de Huntindon et Hector de Saveuse.

Oyes donc leur pétition et maintes répliques faites icy et là, le comte de Ligny qui tout pesoit à la balance et considéroit que l'on ne doit refuser raison , s'accorda au

1)8 CHRONI(,)UE

traité ; et non venllant estre cause de mort à autres nobles hommes de son party, qui là après pourroient estre assiégés comme eux et povrement secourus, luy , homme de guerre plus discret que cruel , les souffry partir , leurs corps et leurs biens sauves, avec une quantité de ceux qu'ils y avoient gagnés. Et pour les assurer de tOus empeschemens qu'ils pourroient trouver en chemin, jusques à leur retraite leur bailloit sauf-conduit pour et au nom de son prince, et avec ce un vaillant escuier, nommé Hector de Saveuse, pour les conduire. Sy advint, eux partis ainsy, et mis en la voye de Compiègne, oii leur affection les trayoit , que deux mil Anglois vinrent audit lieu de Roye par intention de eux joindre avec le siège contre les autres, lesquels ils trouvèrent jà partis et le siège rompu. Sy ne firent lesdits Anglois semblant de rien; mais hastivement tournèrent bride, et feignans de prendre autre chemin se remirent secrètement sur le train des dauphinois , et à force de chevaux les poursievirent si radement que à moins de quatre lieues les rattaignirent. Les chefs de ceste route angloise estoient le comte de Huntindon et Cornuaille'. Et s'estoient joints avec eux au partir du siège aucuns des Bourgongnons, comme Butor de Croy, Aubelot de Folleville, le bailly de Fouquesolle, le bastard de Divion et aucuns autres ; mais ne sçay s'ils estoient d'assentement à l'emprise des Anglois ou non. Toutes-voies, à larattainte, les Anglois fellonuement et sans barguignier frappèrent en eux. Jà-soit-ce-que en petit nombre estoient les dauphinois au regard des autres, car ils venoient file à file l'un après l'autre, les uns pour l'assure de leurs che-

» Monstrelet dit : Le comte de Hontiton et le seigneur de Cornouaillcs son beau-père.

vaux, les autres sur la fiance de leur sauf-conduit et de celuy qui les menoit, et ne se doutoient pour l'heure des Anglois; toutes-voies, comme j'ay dit, les Anglois non reg'ardans h rien, ny à bien fait, ny à mal fait, férirent eux, et ruèrent jus toute la compagn^^e qui, par défense, ny par armes faire , ne pouvoit arrester devant eux que ils ne fussent ou morts ou pris. Et de fait y en mourut une part ; l'autre s'enfuy es Lois ; la tierce fut prise et créancée. Dont il advint que Hector, leur conduiseur, voyant ceste aventure et honteuse destrousse pour luy, cuidant subtilement sauver messire Karados et le renvoyer, prit mesmes la foy de luy et le créança comme son prisonnier. De quoy Cornuaille non bien content vint à effort, et se peinoit de luy oster, disant : « Point ne vous appartient de le « prendre , quand il a sauf-conduit de vostre capitaine. » Hector, toutes-voies, qui n estoit pas mol homme, ny bien aisé à traiter par rigueur , ne le voulut laisser pourtant, mais le tint estroit assez, comme pour le vouloir défendre au tranchant, si le lieu y fust, mais nennil. Laquelle chose Cornuaille, fier homme, vo3^ant, et que si peu tenoit de sa parole, despitement liij donna un coup de poing atout le gantelet sur son bras, et parla assez durement à luy. Dont grandement fut troublé celuy Hector; et s'en fust vengé voulentiers s'il y eust euiiieu ; mais force luy estoit d'en souffrir pour celle heure , comme impatient qu'il en fust.

En ceste manière, messire Karados, Charles de Flavy et tous les autres demeurèrent aux Anglois. Et ceux que les Picars avoient pris et créances, eux-mesmes les tuèrent, car ne les eussent osé mener avec eux en leurs logis vers leur capitaine, excepté Harbonnières , que Aubelot de Folleville prit; et le détint et mena à Noyon, là où on

100 CHRONIQliE

lui couppa la teste. Aiiivsi prit-il aux dauphinois de leur emprise de Roye , et aux Auglois de leur poursieute, qui arrière se vinrent loger, pour le beau service qu'ils avoient fait au comte de Ligny, à deux lieues près de Roye, non gaires loin de son ost.