I:22 ClIRONIOUE

autresfbis pris sur eux et brûlé, et déboutant l'orgueil de leurs ennemis l'avoient fait plus fort et moins prenable que ne fut jamais. Aussi leur faisoit bien besoin, comme cy-après sera dit, Lesdits seigneurs doncques venus audit lieu et regardans le bollevert, qui autresfois avoit esté anéanty et mis à rien , si fort et si défensable, pour la première œuvre avisèrent estre nécessaire seulement de contendre à ravoir ce bollevert , et de l'assaillir le plus fellement que l'on pourroit , car force estoit de s'y aventurer et d'y prendre sa fortune. Sy n'y ot celuy qui ne se monstrast à l'entreprise courageux et à baude chère ' . Sy se disposa cbascun à son devoir, et sans barguigner ny douter les périls, vinrent tous à un flot à trompettes et eschelles, eux ruer au pied du bollevert; et là, comme autresfois avoient monté et rampé contre-mont et pris ledit lieu , encores cuidant l'emporter semblablemeîit comme lors, montèrent arrière et combatirent très-asprement , main à main, l'un contre l'autre, et monstrèrent courage à deux lez de grand vertu. Aussi, nécessité les constraindoit chascun d'eux d'estre vaillans , à l'un pour soy délivrer tost du péril par victoire , à l'autre pour sauver sa vie et son honneur, et soy défendre, Sy n'est pas à raconter les armes et hautes vaillances qui y furent données, et les playes qui y furent reçues; et entre les autres, un nommé Henry d'Escauifour", bien vaillant escuier et très-adroit homme, combatant en eschelle et y monstrant de hauts faits , comme fortune luy vouloit estre ennemye, fut féru d'une lance au vuide de son harnois de jambe, au jarret.

' A bande chère, avec courage.

* Henri de ChaufTour avait été l'un des principaux nég'ociateurs dn traité de Troyes.

Ijien parfont, de laquelle playe affoUé et tout impotent, en briefs jours après mourut et trèspassa, en belle cognoissance de son Créateur ; que dommage fut et grand perte à ceux de son party. Et au comte de Ligny qui très-aigre fut à ceste besongne, et mesmes un des plus avant en péril, advint, ainsy que une fois il vouloit regarder par dehors le contenement des défendeurs, par une fente entre deux pièces de bois carpentées non bien jointes, que ainsi qu'il avoit levé sa visière pour mieux les voir, vint un qui s'en aperçut, et celéement d'une lance le vint enferrer droit au dessous de l'œul, et en demeura privé toute sa vye : que dommage fut'. Et encores pour plus lui attrister le courage, l'aventure portoit ainsy que son estandart, mis à plus près du bollevert pour espovantement des enclos, fut saisy aux mains et tiré par force, et de si près que les ennemis le coupèrent jusques au plus près du fer. Dont, avec l'amertume de sa playe, il prenoit plus cuisance de courroux et en fondoit en annuy. Sy fallut pour celle heure que l'assaut cessast, et que les assaillans se retirassent pour le meschief de leur capitaine ledit comte; mais ce n'estoit pas sans grand perte et meschief de leurs gens qui beaucoup y estoient morts ou durement blessés.

' Le 30 mai, le duc envoj-a un messager à la dame de Ruffey pour lui demander une pierre précieuse à laquelle on attribuait la vertu do guérir les blessures ; mais elle fut sans effet.

i2i cmioMyiiE