CHAPITRE XXXIII

Cy devise la manière comment les Gantois vinrent au duc de Bourgongne, comte de Flandres, leur seigneur, en toute obéissance luy prier mercy.

Iceliiy jour îe duc fut devant la ville de Gand pour recevoir l'amende lionnorable des Gantois, ainsi que de mot en mot est déclaré au traité de paix; et sans faute, le jour qu'ils yssirent hors de la ville, il faisoit un merveilleux temps, car il plouvoit tellement que les ruisseaux grans et gros couroient dessoubs les Gantois qui tous estoient à genoux, les uns tous nus en leurs chemises et petits draps, et les autres nues testes et deschains, comme dit est, disans paroles ordonnées en la sentence et durant la pluye. Et présentèrent au duc leurs bannières, ainsi que faire dévoient , lesquelles bannières furent reçues , que le duc fit incontinent délivrer à Thoison-d'Or, jusques à ce qu'il en fust ordonné à sa voulenté.

En icelle place où le duc reçut l'amende lionnorable, comme dit est , qui pouvoit estre moins de demye lieue loings de la ville de Gand, fist le duc les chevaliers dont les noms s'ensuivent : premiers , messire Daniel de Boucoude, messire Jehan Sequeinque, messire Adolf de la Marque, messire Bernard de Eavestain, bastard, messire Louys Moreau, messire Regnault de le Gauchie, messire Simon d'Estrume, messire Pierre de Perpire, messire Jehan de le Merie, messire Henry Mennel, messire Jehan Bernage, messire Evrard Serard , messire Claude Pitois, messire Jehan de la Venenne, messire Guérard de Cyvenchien, messire Jacques Taye, messire Jacques de Matois et messire Jehan de Lyon.

Ton. II. 25