CHAPITRE XXXVIII

Comment le sire de Blanmont conduisit le dauphin parmy Lorraine.

Or convient souffrir le roy et ceux d'emprès luy en leurs diverses ymaginations et revenir au fils qui le plustost que

DE CHi\STELLAIN. 187

pouvoit, prist son escueil ' et prist congé du prince d'Orenge et des hautes nobles dames de léens, dont l'une estoit fille du conte d'Ermignac, femme seconde audit prince, et l'autre qui estoit femme à son fils, fille à jadis Eichart de Bretagne, nièce au duc d'Orléans de par mère. De ceste droit-cy et de toutes les autres prist congé gracieusement, et accompagné d'aucuns seigneurs du pays , party en la conduite du seigneur de Blanmont, marissal de Bourgongne, aiant avecques luy tant seulement trente clievaux sans ceux du dauphin qui ne montoient point à grant nombre, et en cest estât, sans main armée, le mena parmy la duché de Lorraine, tout au travers, en laquelle il estoit craint et douté durement des aucuns, et des autres amé et bien voulu pour cause que puissant y estoit de places maistresses, tant dedens le pays comme sur les marches frontières, Sy le mena tousjours de giste à autre coucher en ses propres maisons appartenantes à luy , et entre les autres le mena à Chasteau-sur-Moselle , une maistresse maison souveraine entre toutes les autres du pays, par laquelle il pouvoit fort estraindre Lorrains et tenir sur bride, et avoit à cause d'icelle acquis moult d'envies contre luy et de haynes, pour ce que puissamment et orgueilleusement la possédoit et maintint encontre tous , fussent princes ou vassaulx, sans fleschir devant nul. En ceste maison bouta-il ce fils de roy, et là lui fît de l'honneur et de grant chièretant et sy largement que plus nepouvoitpar souhait, et lui fit un conte celuy soir, disant : « Monseigneur, mes « ennemis par ci-devant autreffois m'ont menascé par vous « de ceste place, disans que vous la m'osteriez, et que vous « y seriez une fois maistre et seigneur dedens. Monsei-

' Prist son escueil, «éloigna.

iSS CHRONIQUE

« gneur, je ne sçai de quel bouche ils parloient, ne s'ils « avoient en eux esprit de propliétie , mais tant en est « bien venu grâces à Dieu que au rebours de leur inten- « tion ils ont esté voir disans, disans que une fois vous y « seriez dedens maistre et seigneur; mais, monseigneur, « ce n'est pas maugré moy , ne pour mon mal , j'espère, « comme ils l'entendoient, mais vous y estes seigneur et « maistre, et tel je vous y establis. » Sy en rist le jeusne prince et dist que voirement avoient esté prophètes telles gens, mais non pas de tout, et ce que avoient eu d'attente de son grant mal, ce lui estoit tourné en grant bien contraire de leur espoir, dont luy-mesme estoit moult joieux, et en regrâcia doucement le marissal, lequel il sentoit et voioit un chevalier de haute et de grant façon, actif et diligent et fort à craindre , car le trouvoit homme grant de courage et de pouvoir, sage et de haut entreprendre, et tout partout où il le bouta en ses places et maisons, estoffé de fil, d'esguille et de toutes appartenances et nécessités, fust à guerre ou à paix, et souverainement en ceste maison de Chasteau-sur-Moselle qui estoit la plus enviée, et l'avoit tenue longuement à l'encontre du roy Renier et de son fils le duc de Calabre , sans leur en rendre hommage, dont dure en estoit l'ennemisté et l'envie à l'encontre de luy, et la machination longuement bien ague et diverse. Par quoy, quant ce prince droit-cy voioit tout et considéroit les manières de son faire, et comment il estoit homme pour porter un grant fait, jugea bien aussi qu'en servant son prince il estoit bien chevalier pour en courcier un autre trop plus grand de luy, par quoy soy recordant du temps passé quant le soloit hayr, donnoit merveilles si ses gens s'estoient doliis de luy beaucoup , car maintenant il apercevoit clèrement qu'il estoit homme tout et outre pour

DE CIIASÏELLAIN. 189

courcier ses ennemis , et qu'en luy avoit tout ce que un prince devoit quérir et convoitier eu son serviteur : c'estoit la vaillance et hardement , grant conduite et grant sens ' .