MORT DE BERTRAND DU GUESCLIN

En che tamps se tenoit li ^ connestables de France monsigneur Bertrans de Claiekin en Auvergne à grant gens d'armes, et se tenoit à siège devant Chastel-Noef de Randon à III lieues de la citté de Monde et à IIII lieues dou Puy, et avoit enclos en che castiel * Englès et Gascons ennemis au roiaulme de France, qui estoient issut hors de Limosin où grant fuisson de forterèces englesses ayoit. Si fist, le siège durant , devant faire pluiseurs assaulx, et dist et jura que de là ne partiroit si aroit le castiel. Une maladie prist au connestable, de laquelle il accoucha au lit. Pour ce ne se deffist mies li sièges , mais furent ses gens plus aigre que devant. De ceste maladie messires Bertrans morut, dont che fu damages pour ses amis et pour le royaulme de France. Sy fu aportés en l'église des Cordeliers au Puy en Auvergne, et là fu une nuit. A lendemain, on Tembausma et apparilla, et fu mis en un sarcu et aportés à Saint-Denis en France, et là fu ensepvelis assés priés de la tombe et ordenance dou roy Charle de France, laquelle il avoit fait faire très son vivant, et fist le corps de son connestable mettre et couchier assés priés , et puis flst faire en l'église de Saint- Denis son obsèque révéramment et ossi notablement que dont que che fust ses fils, et y furent tout si troy frère et li noble dou royaulme de France.

Enssi vaca par la mort dou connestable de France li ofiSces de la connestablie. Si fu avisé et ordonné et regardé de qui on le feroit : si estoient nommet pluiseur hault baron dou roiaulme, et par espécial li sires de Couchy et li sires de Clicon , et volt li rois de France que li sires de Couchy fu regars de toute Picardie , et adont li donna-il toute la terre de Mortaigne, qui est uns biaux hiretages

• Bons. — * Plusieurs.