ENTRE EN ARTOIS
Honcourt et moult d^autres. Sy passa toute 11 hoos des Englès à le veue de Béthune à heure de tierce tout oultre : onques ne fissent samblant d*assaillir , et vinrent gésir à ^ Sauchières ^. Â heure de vespres vinrent li sires de Saint-Pi et li sires de Fran^ures et se boutèrent en Béthune , et à Tendemain bien matin il sen partirent et chevauchièrent vers Arras, et là trouvèrent le signeur de Couchi qui les rechut liement , et leur demanda des nouvelles et quel chemin li Englès tenoient. Li chevalier len respondirent che qu il en savoient et que il avoient jeu à Sauchièi*es et chevauchoient trop sagement ; car point ne se desroutoient, mais se tenoient toudis ensamble. Dont dist 11 sires de Couchi : « Q cheminent (c par apparent enssi que gens qui demandent la bataille ; a si Tarent se li rois nos sires me voelt croire, anchois qu il tt aient paracompli leur voyage. » Enssi dissoit li sires de Couchi; et li contes de Bouquighem et toute li hoos cheminèrent che jour depuis que il furent party de Sauchières et passèrent au dehors d*Arras, moult arréement en ordenance de bataille, banières et pennons ventelans, et tant que cil qui estoient monté es portes et es clochiers, les pooient bien avisser.
Li Englès passèrent che jour tout oultre sans riens faire^ et vinrent logier à Avesnes, et lendemain à Miraumont, et puis à Clari-sus-Somme , car il poursievoient les rivières. Quant li sires de Couchi, qui se tenoit à Arras, entendy que il prendoient che chemin, si envoya le signeur de Hangiet à Bray-sus-Somme, et en sa compaignie XXX lances, chevaliers et escuiers, et à Piéronne messire Jaquème dç Wer-
*'' Souchiéres.. Sauchières.. Douchiéres,
chin, sénescal de Haynnau, et le signeur de Haverech et messire Jehan de Roie, messire Gérart de Markelies et des aultres chevaliers et escuiers dou païs là environ , et il s*en ala vers Saint-Quentin, et envoya le signeur de Clari et messire Tristram de Roie et messire Guy de Honcourt à Han-en- Vermendois, dont il se tenoit enssi que sires, pour entendre à le ville et remparer , car elle est grande et estendue et mal fermée. Sy ne voloit mies que par sa négBgense elle recheuist nul damage des Englès ^
La nuit que li Englès se logièrent à Clari-sus-Somme , s'avisèrent aucun chevalier de leur costé, tels que messires Thumas Trivet , messires Guillaumes Clinton , messires Yon Fil-Warin , par Fesmouvement le signeur de Vertaing qui congnissoit le païs et qui sentoit le signeur de Couchi à grant gens d'armes en la * citté d'Arras , que il chevaucheroient au matin avoecques les fourageurs de Tost à savoir se il trouveroient jamais cose qui bonne leur fust, car il désiroientàfaire fait d'armes. Enssi comme il l'avisèrent, il fissent, et se partirent au matin environ XXX lances, et fissent les fourageurs chevauchier devant, et chevauchièrent à l'aventure.
Ce propre jour au matin, party et issi d'Ârras à grant route li sires de Couchi, et prist le chemin de Saint-Quentin. Quant il furent sus les camps, li sires de Brimeu et si enflant, à environ XXX lances, issirent hors de la route le signeur de Couchi, enssi que cil qui désiroient les armes et qui demandoient aventures. Si se trouvèrent sus les camps Englès et François, et veirent bien et parchurent que il convenoit que il se veissent de plus priés. Si esperonnèrent tantos li un contre l'autre en escriant leur cri. Des premières venues il
' A Bon loial pouvoir. — ' Bonne.
