LE COMTE DE BUCKIMCHAM DAMS LE MAINE

Blois, il cheminèrent vers Vendosme et vers le forrest dou Goulembier, et estoient cil de Favant-garde trop courouchié de ce que il ne troavoient mais nulles aventures. Che propre jour que il se deslogièrent de la forrest dou Goulembier et que il chevauchèrent priés de Vendosme, li avant-garde chevauchoit tout devant, enssi que raisons est. Si chevauchoient ensamble messires Thumas Trivès et messires Guillaumes Clinton à environ XL lances. Sy encontrèrent sus leur chemin d*aventure le signeur de Hangiers qui s'en venoit à Vendosme et avoit en sa route environ XXX lances. Li Englès cogneurent tantos que ce estoient François : si esperonnèrent caudement sus yaulx et abaissièrent les glaves. Li François, qui ne se veoient pas à jeu party, n'eurent tallent d'atendre, car il estoient priés de Vendosme. Si esperonnèrent celle part pour eulx mettre à sauveté , et Englès apriès, et François devant. Là furent ruet jus de cops de glaves Robers de Hangiers , cousins au signeur , et Jehans de Montigni et Guillaumes de Lannoy et encores V ou VI, et furent tantos enclos , et les convint rendre prisonniers ou pis âner. Li sires de Hangiers vint si à point à la barière que elle estoit ouverte. Si descendy et entra dedens, et puis prist son glave et se mist vaillamment à deffense, et furent petit à petit tout si compaignon requelliet, et enssi que il venoient, il descendoient et se mettoient à ^ deffense. Toutesfois il y en ot des prisonniers jusques à XII , et puis retournèrent li Englès. Enssi alla de ceste aventure.

Che propre jour aussi chevauchoient * Robiers Canolles et sa route ; si encontra et trouva le signeur de Mauvoisin et sa route. Si se férirent li un dedens l'autre , Englès et

* Bon devoir et. — • Aux aventures.

François , car il estoient assés à jeu party, et ne daigna li sires de Mauvoisin fuir , mais se combaty à piet moult vaiilaument ; mais finablement messires Robiers Canolles le prist de sa main , et iu son prisonnier. Et che jour passa Toost devant Vendosme et la rivière de Loire, et vint l(^er et gésir k Ausie en la conté de Vendosme, et Tendemain à Saint-Callais , et là se reposa Toost deus jours. Au tiers jour il se deslogièrent et vinrent à I^ussé , et Tendemain au Pont-Volain.

Enssi cheminoient 11 Englès et ne savoient à qui parler , car nuls ne leur aloit au-devant , ne au-devant de leur chemin. Si estoit tous li païs cargiés et raemplis de gens d*armes, et en y avoit à merveilles grant fuisson en la citté del Mans et en la citté d'Angiers, et s en vint adont li dus d*Ango par Tours en Tourainne et par Qlois et par Orlyens à Paris , car il entendoit que li rois ses frères agrevoit moult et que il n'y avoit point de retour. Si voloit estre à son trespas , çt pour ce ne se départoient mies les g^is d'armes de leurs garnissons, mais poursievoient et costioient les Englès à leur loial pooir , sans euls abandonner entre yaulx trop avant, et ordonnèrent les gens d*armes de France qui connissoient les passages des rivières, que sus la rivière de Sartre , laquelle il convenoit les Englès passer (car il faissoient che dbiemin), il les ^ ensonnieroient mallement et les encloroient *, se il pooient, ou païs, par quoi il les afiuneroient, et puis les aroient à volenté et les combateroient k leur avantage , vosist li rois de France ou non. Si fissent li sigaenr de France, qui le plus estoient usé d'armes, sus le passage par où il convenoit les Englès passer, en la rivière de Sartre avaler gros mairyens aguissiés et férir à force en

Destourberoyent et attargeroyent fort.

DANS LE lIAir^E. 389

la rivière, par quoy eulx, ne leurs carois ne peuissent passer; et encores au deseendement de la rivière au prendre tien'e , il fissent fosser grans fossés et parfons, par quoy on ne peuist aryver. Enssi ordonnèrent-il leur besongne pour donner grant empécement as Englès.

Or cheminoient li contes de Bouquighem et ses routes. Quant il se partirent dou Pont-Volain , il passèrent la forrest dou Mans et vinrent sus la rivière de Sartre , et là s*arresta toute li hoos ; car il ne trouvoient , ne veoient point de passage , car la rivière est grosse ^ et parfonde et trop * malle ^ à passer, se ce n est sus * les certains ^ pas là où on ® les passe sans pons ''. Li avant-garde qui chevauchoit devant, avoit quis et cargiet desous et desus la rivière à tout lé; mais on n'y trouvoit point de passage fors en che lieu où li mairyen estoient mis et planté à force dedens la rivière. Âdont descendirent li signeur et ymaginèrent le passage et dissent : « Par cy, se nous volons « aler oultre, nous &ut passer; car ailleurs ne trouvons-nous a point de passage. » — « Or avant, dissent toutes manières « de gens d*armes ; il ne nous fault point espargnier , il « nous fault à force ester et traire hors ces mairyens de a Taige, qui nous toUent le passage. » La veissiés barons, chevaliers et escuiers entrer en la rivière qui estoit * rade et courans, et yaulx mettre en grant aventure dealer aval, car il estoient armé de toutes pièces horsmis leurs bachinès, et là ^ s*aherdoient à ces mairyens traire hors à force '^, et eurent, je vous dy , moult de painne anchois que il les peuissent avoir hors, si parfont y estoient-il flchiet. Toutesfois flnablement il les eurent et traissent tous hors^ et laissièrent

• Large. — *^ Dangereuse. — *^ Aucun. — •"' La passe sur ponts. ' Moalt. — • Par grant courage. — " De corps et de bras.

n. — FROISSART. 19

aler aval laige, et quant il eurent che fait, encores eurent-ii moult de painne à ravaler et ounyer le rivage pour passer ouniement leur carroy : oncques gens n*eurent tant *de painne. Or regardés, se les François qui les poursievoientet qui les désiroient à combatre, seuissent che convenant, se il ne leur euissent porté grant damage; car li premier ne peuissent avoir aidiet, ne conforté les daarrains, ne li darrain les premiers pour les grans marescages que il y avoient à passer. Toutesfois tant fissent li Englès, et tant esploitièrent que il furent tout oultre, carroy et tout, et vinrent che jour logier à Noion-sus-Sartre.

Che propre jour que li Englès passèrent le rivière de Sartre à si grant painne, comme vous avés oy, trespassa de che siècle, à son ostel à Saint-Pol-sus-Saine, li rois de France Charles. Si trètos que ses frères li dus d'Ango sceut que il avoit clos les iex, il fu saisis de tous les jeuiaulx dou roy son frère, dont il avoit sans nombre, et fist tout mettre en sauf lieu à garant pour ly, et espéroit que il li venroient bien à point à faire son voiage où il tendoit aller, car jà s escripsoit-il rois de Sésille, de Puille, de Calabre et de Jhérusalem. Li rois Charles de France, selonc Tordenance des roiaulx, fu aportés tout parmy la citté de Paris à viaîre descouvert, ses frètes et si doi fil derrière ly, jusques à Fabbéie de Saint-Denis, et là fu ensepvelis moult honnerablement, enssi comme en devant, luy vivant, il Tavoit ordonné , etgist messires Bertrans de Claiekin, qui fu ses connestables, à ses pies. Et vous dy, quoique li rois Charles ou lit de la mort euist ordonné ses aultres frères à avoir le

* De travail , ni.