ENTRE FRANÇAIS ET ANGLAIS
durs et appers et trop mieulx fourmes ds tous membres que li Englôs ne fust. Sy vinrent Tun sus Fautre de grant volenté, et assissent les glaves en leurs poitrines en poustant et tant que Édouwars fu boutés jus et reversés» dont 11 Englès furent moult couroucbiet. Quant il fu relevés, il reprist son glave et s'en vint sus Clarin, et Clarins sus luy. Encores de rechief le bouta li Savoyensjusà terre, dont furent li Englès moult couroucbiet et dissent : « Édouwars « est trop foibles contre cil escuier ; ^ li diable le font bien « ensonnyer de jouster '. » Âdont fu-il pris entre yaulx, et fu dit que il n*en feroit plus. Quant Clarins en vei le manière, qui désiroit à parfaire ses armes, si dist : « Signeur, vous « me faites tort, et puisque vous voilés que Édouwars n*en « face plus, si m'en baillés un autre, auquel je puisse par- « fîimir mes armes. » Li contes de Bouquighem volt savoir que Clarins dissoit ; on li dist. Dont respondy li contes, et dist que li François parloit bien et vaillaument. Adont sailli tantost avant uns escuiers englès, qui fu depuis chevaliers, qui s'appelloit Janekins Stincelée, et vint devant le conte et s engenoulla et le pria que il peuist parfaire les armes. Li contes ly accorda. Lors se mist Janekins en arroy et s'arma en la place de toutes pièces, enssi comme à luy appartenoit, et prist son glave, et li bastars de Clarins la sienne, et vinrent en poussant Tun sus l'autre moult asprement, et se poussèrent che premier cop de tel façon que les deus glaves voilèrent en tronchons par dessus leurs testes. Adont retournèrent-il le second cop, et enssi en avant et enssi dou tierch. Toutes leurs sys lances furent rompues, dont li
signeur de une part et d'autre, qui les yeoient, tendent che
'-' Li diable le firent bien au Savoyen jouster , ne ensonnyer de quérir jouste.
fait à biel. Adont prisent-il les espées qui estoient fortes, et en sys cops il en rompirent IIII, et voloient férir des haces, mais li contes de Bouquighem leur osta et dist que il ne les voloit pas veoir en oultrance et que assés en ayoient fait. Si se traissent arrière, et lors vinrent li autre, Jehans de Castiel-Morant , franqois , et Janekins Clinton, englès. Si se apparilliôrent pour faire fait d*armes.
Cils Janekins Clinton estoit escuiers d*onneur au conte de Bouquighem et le plus prochain que il euist pour son corps, mais il estoit ^ déliés et menus de membres. Si desplaissoit au conte de che que il ayoit à faire à un si fort et renommé homme d'armes comme Jehan de Castiel-Morant estoit. Nonobstant il furent mis en Tassay, et vinrent lun sus Tautre moult ' asprement ' ; mais li Englès n*eut point de durée au François , anchois Ai en poussant jettes à tierre moult durement. Si dist li contes : « Il ne sont pas parel « ensamble. » Adont vinrent à Janekin Clinton aucun chevalier dou conte et li dissent : « Janekin , vous n estes pas 0 tailliés de porter oultre ces fais d*armes, et messires de « Bouquighem est courouchiés de vostre emprisse. Aies a vous reposer. » Adont se retraist de une part li Englès , et quant Jehans de Castiel-Morant en vei le manière, se dist as Englès : a Signeur, se il vous samble que li escuiers yos- « très soit trop menus * contre * moy, si men bailliés un « autre à vostre plaisir , et je vous en prye , par quoy je a parface ce que j'ay empris, car on me feroit tort et vil- « lennie, se je me partoie de chi sans faire fait d'armes. » Dont respondirent li connestables et li mareschaulx de Toost : a Vous dites bien et vous Tarés. > Adont allèrent-il au tour as chevaliers et as escuiers de leur costé, qui là
• Trop. — " Durement. — *^ Pour.
