IX. — FROISSART
338 MOUTl^LES JOUTES
devoit conduire et mener tout leur chemin parmy Bretaigne et Normendie jusques à Chièrebourq. Quant il furent venu ou castiel, li connestables les rechut moult doucement, et pms leur dist : « Je vous arreste tous et vous deffens à non « partir meshuy. Demain au matin, apriès messe, nous « verrons ce fait d*armes de yostre escuier et dou nostre , « et puis vous vos disnerés ayoecques moy. Le disner fait, a vous vos partirés, et vous bailleray bonnes gides qui vous « menront tant c*à Chièrebourc. » Il li accordèrent et burent de son vin, et puis s en retournèrent à leurs hostels. Or s*avissent li doy escuier Jehans et Nicollas ; car il convient que au matin il facent fait d*armes : jamais n*en seront déporté. Quant che vint au matin, tout doy furent ensamble à une messe et se confessèrent et acumenyèrent, et puis montèrent à chevaulx li signeur de France de une part, et li Englès d aultre, et sen vinrent tout ensamble en une belle place et ounie au dehors dou Castiel-Josselin, et là s*arrestèrent. Jehans Boucinel avoit pourveu deus harnoys d*armes, bons et souiïisans , enssi que li affaires demandoit et que promis à l'escuier englès avoit. Si les fist là tout parellement estendre et mettre sus la terre , et puis dist à Nicollas : « Prendés, premiers. » — « Par ma foy , « respondy li Englès, non feray. Vous prenderés, premiers. » Là convint que Jehans presist premiers, et s^arma de toutes pièces parmy ce que on ly aida , enssi que uns homs d*armes se doit armer : ossi fist Nicollas. Quant il furent tout armé, il prissent les lances à bons fiers de Bourdiaux, qui estoient tout de une longueur, et se mist cascuns où il se devoit mettre pour venir de course et faire fait d*armes ; et avoient avalés et clos les cames de leurs bacinès , et puis s en vinrent pas pour pas lun contre l'autre. Quant il deurent aprochier, il abaissièrent les glayes et les missent
en point pour adrechier l'un sus l'autre. Tout dou premier cop , Nicollas Cliffort consieuwi de son glave Jehan Boucinel en le poitrine d'achier amont. Li fiers de glave coulla oultre à l'autre lés et ne se prist point à le plate d'achler, mais ^ estippa * amont en coullant tout oultre le eamail qui estoit de bonnes mailles et ly entra ou col et ly coppa la vainne ' orginal \ et ly passa tout oultre à l'autre lés , et rompy hanste dallés le fier» et demora li fiers et li tronçons ens ou hateriel de Tescuier qui estoit de che cop navrés à mort, che poés-vous bien croire. Li escuiers englès passa oultre et mist sa lance jus, qui estoit brissie, et s'en revint vers sa cayère. Li escuiers francois qui se sentoit férus à mort , s'en alla jusques à sa cayère et là s'asist. Li signeur de son costé qui avoient veut le cop et qui li veoient porter le tronçon ou hateriel , vinrent celle part. On li osta tantos le bacinet et li osta-on le tronçon et le fier. Si trètos, comme il l'eut hors dou col, il tourna d'autre part sans riens dire, et céi là et morut, ne onques li escuiers englès qui venoit là le cours pour ly aidier (car il savoit paroUes qui faisoient estanchier) n'i peut venir à tamps que il ne le trouvast mort. Lors n'eut en Nicollas Cliffort que courouchier, quant il vei que par telle mésavenue il avoit mort un vaillant homme et bon homme d'armes. Qui veist là le conte de la Marce qui amoit l'escuier mort sus toutes riens, courouchier et démener et regreter, il en peuist et deuist avoir grant pité. Li connestables de France, qui estoit là*^ présentement*, le reconfortoit et dissoit : « En tels a ahaties ne doit-on atendre autre cose. U est mésavenu à « nostre escuier, mais li Englès ne le peut amender. » Âdont dist-il as chevaliers d'Engletière : « Âlons , alons
Esclissa. — *•* Orgonal. — ^ Présent.
