LE SIÈGE DE GAI<(D EST LEVÉ

chevaliers et escuiers partir et widier hors par la porte de Brouselles : autrement il euissent esté mort. Et fu adont par les Gantois Alos toute arsse , portes et tout , et y conquissent moult grant pillage , et de là il vinrent devant Tenremonde qui est forte ville , mais adont par assaut il le conquissent, et y fu mors messires Phelippes de Mamines * ; et furent li Gantois signeur de la ville et non pas dou castiel ; car li sires de Widescot le tint vaillaument avoecques ses compaignons contre eulx. Et de là vinrent li Gantois devant Grammont qui s estoit nouvellement tournée vers le conte par Teffort et tretiet dou signeur d^Enghien. Ne sçai se il y eut traïsson ou autre cose ; mais adont li* Gantois y entrèrent de force , et en y ot de ceulx dedens moult de mors , et , quant il eurent fait ces volages , il s'en retournèrent à Gand à tout grant butinage et grant prouflt *.

Quant li contes de Flandres veî que il perdoit son tamps à seoir devant Gand, (et, quoique il seist là à grant frait et à grant ^ painne * pour ly et pour ses gens , cil de Gand ne laîssoieht mies à issir , ne à ardoir le païs , et avoient conquis Alos , Tenremonde et Grammont ) , si eut conseil que il se partiroit de là , car li yviers aproçoît *. Si se départy et si renvoya ses gens en leurs maisons rafresquir , et envoya le signeur d'Enghien et le signeur de Montegni • en Audenarde en garnisson , et avoient sans les gens d'armes ce bons archiers d'Engletière , dont on faisoit grant compte , et li contes s'en vint à Bruges. ' Si fissent cil signeur qui en Audenarde se tenoient, pluiseurs^ belles issues

* Et pluiseura autres. — ■ Mal acquis. — ■'* Travail. — • Fort. — • Saint-Christofle. — '"* Pluseurs belles issues forent faites par les Gantois sur ceulx d' Audenarde qui. — * Escarmuches et.