LE ROI DE PORTUGAL RÉCLAME
loiaulment que, li revenu d'Escoce, il ordonneroit tellement ses besongnes que il le sievroit hastéement en Portihgal , voire se plus grans empêchemens que il ne veoit encores, ne estoient apparant en Engletière , n y avenoient. Sus cel estât se départy li dus de Lancastre, et prist le chemin d*Escoce , et ehevauçoit tant seullement ly et * ses hostes •.
Encores en che parlement darrainement fait à Londres , fil ordonnés messires Henris de Persi , contes de Northombrelande , à estre regars de toute la terre de Northombrelande et de levesquiet de Durâmes rentrant jusques en Galles et la rivière de Saverne. Si se départy de Londres pour aler celle part; mais che fu XV jours apriès chou que li dus de Lancastre fu partis.
Ossi se départy dou roy et dou conte de Bouquighem son frère li contes de Cantbruge pour aler ens ou voiage que il avoit empris. Si âst faire ses pourvéances à Pleumoude , un port sus mer en la conté de Barquesiere , et s'en vint là tout premiers et enmena avoecques luy sa femme madame Ysabel et son fil Jehan , et estoit li intention de li telle (et il lacomply) que il les menroit en Portingal. Avoech le conte de Cantbruge estoient des signeurs , premièrement messires Mahieux de Gournay , connestables de Tost , messires li Canonnes de Robersart , messires Jehans de Castiel-Noef , messires Guillaumes de Biaucamp , mareschaulx de Fost , le soudich de Lestrade , le signeur de la Barde , le signeur de Thalebot , messires Guillaumes Helmen , messires Thumas Simon, Milles de Windesore, messires Jehans de ^ Chaudevic ^ et pluiseurs autres, et estoient le somme de V^ hommes d'armes et otant d'archiers. Si vinrent cil signeur et leurs gens h Pleumoude , et là se logièrent ou ens es vil-
'-• LesgpnR de son liostel, — *^ Caiidevish.. Sandevich.
lages d'environ pour attendre ^ veut et cargier leurs vaissaux petit à petit , et ne dévoient passer nuls chevaulx , car li chemins est trop loing d'Engleterre jusques à Lusebonne en Portingal , et estoit li chevaliers portingallois messires Jehans Fernande en leur compaignie, qui ' s en aloit ^ avoecq eulx. Si séjournèrent plus de III sepmainnes sus le mer en faissant leurs pourvéances et en attendant vent \ que il avoient ^ contraire.
Ëntrues s'en aloit li dus de Lancastre vers Ëscoce , et fist tant par ses journées que il vint à le chitté de Bervich (cest le darainne ville à ce lés-là de toute Engletière) , et, quant il fu là venus , il s y aresta et envoia un hirault en Escoce deviers le roy et les barons, et leur mandoit que il estoit là venus pour traire sour marce , enssi que d usage avoient eu dou tamps passé , et , se il voloient traire avant, il en fiist segnefyés ; autrement il savoit bien qu'il en avoit à faire. Li hiraus dou duc party de Bervich et chevaucha vers Haindebourcq où li rois Robers d'Escoce , li contes de Douglas , li contes de le Mare , li contes de Mouret et li baron d'Escoce estoient tout asamblé ; car il avoient jà entendu que li dus de Lancastre venoit celle part pour traitier à euls , et pour che s'estoient-il mis en la souverainne ville d'Escoce , sus les frontières d'Engleterre , tout ensamble , et enssi les trouva li hiraus d'Engletière envoies de par le duc de Lancastre , liquels fist son message bien et à point , et fu bien et volentiers oys , et eut responsse de par les signeurs d'Escoce qui li dissent enssi que volentiers il croient le duc parler. Si rapporta li hiraus sauf-conduit
* Bon. — " Retournoît en son pays. -^ * Propice. — ' Pour lors,
