LE CHATEAU DE BERWICK

« fait sa chevaucie et pris le chastel de Bervich. Si vous u tournera à grant blasme se il est perdus ; et une autre « fois chil de nostre costé ne s aventurent point si volen- « tiers. » Là respondoient 11 autre , et disoient que on ne le pooit amender, et que tant de bonnes gens qui là estoient, ne se pooient pas perdre , ne mettre à laventure de estre perdu pour le prise d un escuier. Et fu acordé entr'iaux dou reti^aire plus avant en leur païs et logier sus les montaignes près de la rivière de Tuyde, et là se retraisent tout bellement et par loisir. Quant li contes de Northombrelant et li contes de Nothinghem et li baron d'Engleterre perchurent que li Escot ne trairoient plus avant , si envolèrent leurs coureurs assavoir que il estoient devenu. Il rapportèrent que il estoient retrait vers la Moulane oultre Rosebourcq. A ces nouvelles , sur le soir se retraisent tout 1)ellement li Englès en leurs logeis, et fisent boin gait jusques à Tendemain.

. Environ heure de prime furent toutes manières de gens d'armes et d'archiers apparilliés pour aller assaillir le castel de Bervich , et lors commencha li assaus, qui fu grans et fors , et dura tout le jour jusques à remontière ; ne onques on ne vit si peu de gens si bien tenir, ne deffendre, que li Escochois faisoient et se deffendoient, ne ossi castel assallir si asprement ; car on avoit esquielles en pluisieurs lieux drechies contre les murs , et là montoient gens d armes les targes sus leurs testes, et venoient combatre main à main as Escos. Si estoient à la fois rués jus et reversés ou fons des fossés , et ce qui plus ensonnioit et traveilloit les Escos , cil estoient li archier d'Engleterre qui traioient si ouniement que à paines osoit nuls apparoir as deffences. Tant fu chis assauls continués et pourmenés sans nul ces , que li Englès entrèrent de force et de fait ens ou chastel. Si commenchiè-