SUITE DB LA GUKRRE

de lui , et ooient par ces deux seigneurs , le seigneur de Coucy et le seigneur de la Rivière , qui bien estoient enlangaigiet et qui biel leur savoient remonstrer , toutes les incindences où il pooient ^ encourir ' ; et ossi li évesques dou lieu s enclinoit de la partie dou roy de France. Si avisèrent , tout considéret , que mieux leur valloit à rendre leur cité ^ en ^ amour , puisque requis de leur seigneur en estoient , que demorer en péril. Si prisent chiaux d'Évi^enses une trieuwe à durer III jours , et en celle trieuwe chil d'Évrenses pooient paisiblement venir en lost , et chil de Fost en Évrenses. En ces III jours furent li traictiet si bien ordonné et acordé que li sires de Couci et li sires de la Rivière entrèrent en la cité , et en prisent la possession de par le roy de France , comme commissaire autentique là envoyet et procureur général pour Fenfant de Navare , qui présent estoit à tous ces traictiés ,^ et renouvellèrent chil doi seigneur toutes manières d officiais , et , quant il s'en partirent , il le pourveirent , pour le doubte des rébellions , de boines gens d'armes , et puis s'en partirent et vinrent mettre le si^e devant Carenten , une belle viUe et fort chastel séant sur mer et sus les marces de Kem.

Chil de Carenten n'avoient point de cappitaine de nom , ne eu depuis la mort messire Eustasse d'Aubrecicourt qui la morut et qui leur capitaine avoit esté bien IIII ans , et ne se veoient conseillié , ne conforté de nuUui fors que d'iaux-meismes , et sentoient sus mer l'amiral de France messire Jehan de Viane , et l'amiral d'Espaigne avoec lui , gisant à l'ancre à grant gent devant Chièrebourcq. Et ne sçavoient nul des traictiés dou roy de Navare , ne quel cose il avoit fait , ne esploitié en Engleterre , et estoient tous

•-• Encheoir. — »-* Par.