CONTRE LES NAVARRAIS

les jours assaillis par deux manières, les uns par armes, et les autres par paroles ; car li sires de Goucy et li sires de la Rivière songnoient grandement que il eussent chil de Carenten, et tant en songnièrentquepar traictié il les eurent, et se misent et rendirent en Tobéissance dou roy de France, réservé pour le temps advenir le droit que leurs jones héritiers messires Charles de Navare y pooit avoir.

 tous traictiés chil seigneur de France s*enclinoient pour eux délivrer d*estre en saisine et possession des villes et castiaux que il désiroient à avoir. Si prisent Carenten, ville et castiel, et le rafresquirent de nouvelles gens, et puis s en partirent et vinrent devant le castel de Mouliniaux ; et ny furent que trois jours, quant par traictiés il l'eurent, et puis vinrent devant Couches. Si se logièrent sus celle belle rivière d'Orne qui queurt à Kem, et si rafresquirent tant que il sceurent la volenté de chil de Conces , liquel par traictiés se rendirent ; car che que li sires de Coucy et li sires de la Rivière avoient l'enfant de Navare avoec iaux , embelissoit grandement leur fait. Et ossi en ces forteresses navaroises avoit peu de gens dou roiaume de Navare, et che que il en y avoit, si n'estoient-ce mies seigneurs de villes, ne de castiaux, ne de traictiet , mais quant on se rendoit au roy de France ou ses commis, il estoient ou traictiet par condition telle que il se départoient se il voloient , et se traioient quelque part qu'il voloient et qu'il leur plaisoit, et tout chil qui s'en partoient , ne se trayoient aultre part que à Évreux dont Ferrando , uns Navarois, estoit cappitaine.

Après le conques dou castel de Couches , qui se rendi par traictié , sicomme vous avés oy , on s'en vint devant Pasci , et là eut assault et des bleciés , uns et aultres. Au second jour il se rendirent , et demora li castiaux au roi de France , et puis chevaucièrent oultre et raquisent