IX. — FR0IS8ART

et grant fuison de bonnes gens avoecq lui , qui tout se désiroient à avanchier. Li connestables de France , qui savoit d'armes quanques on en pooit sçavoir et qui sentoit les Englès cauls et boulans et aventureux , ordonna une fois toutes ses batailles sus le sablon et au plus près de la rivière comme il pot par raison et tout à pies. Li contes de Cambruges , qui estoit d'autre part , en vei la manière , si dist : « Qui m*aime , si me sieuwe , car je m'en irai combatre. » Âdont se fraisa en l'iawe qui estoit au plat , mais li fluèves revenoit , et se mist ou droit fil de le rivière sa banière et toutes ses gens, et commenchièrent li archier fort à traire sus les François. Âdont se retray li connestables de France et fist retraire ses batailles sus les camps, qui cuida lors tout véritablement que les Englès deuissent passer , et voulentiers eust veu que il les eust tenus oultre l'iauwe. Li dus de Lencastre à tout une grosse bataille estoit de son costé tous apparilliés pour sievir son frère , se il veist que besoings fust , et dist à Gérart d'Obies , un escuier de Haynau , qui estoit dalés lui : « Gérart , regardés mon firère comment il « se aventure. A ce qu'il monstre , il donne ^ exemple * as (( François que il se combateroit volentiers, mais il n'en ont (( nulle volenté. » Ensi se porta ceste besoingne sans nul fait d'armes qui à recorder facbe. Li François d'un lés et li Englès d'autre estant priés de combatre , li fios commencha à monter. Si se retraisent li Englès hors de la rivière et s'en vinrent à leur logeis, et li François se retraisent ossi au leur.

De tels ahaities , de tels affaires et de tels monstres l'un contre l'autre , le siège estant devant Saint-Malo , il y eut pluisieurs affaires faites. Li François gardoient bien et telle-

A entendre*