DEVANT SAINT-MALO
ment leur frontière que li Englès n osoient passer la rivière. Si avint-ii par pluisieurs fois que amont sus le païs aucun chevalier et escuier breton , qui congnissoient les marches , chevauchoient par compagnies et passoient la rivière à gué et rencontroient souvent les fourrageurs des Englès. Là en y avoit souvent des rués jus. Une heure perdoient et lautre gaignoient , ensi que en tels fais d armes les aventures aviennent. Ce siège durant et ces envayes faisant , li seigneur d'Engleterre , pour leurs besongnes approchier , avisèrent que il feroient une mine pour entrer dedens Saint- Malo , ne autrement il ne le pooient avoir ; car la ville estoit bien pourveue de gens d'armes qui . songneux en estoient. Avoec tout ce , il avoient grant fiiison de toutes pourvéances et d'arteillerie qui moult aidoit à leur besoingne. Et presque tous les jours il les convenoit armer et mettre ensamble pour atendre la bataille , se li François traioient avant , pour laquelle cose il n'avoient pas trop de loisir pour le faire assaillir, fors que de leurs canons ; mais de ce avoient-il trôs-grant plenté et qui moult grevoient la ville. Si avisèrent lieu et place pour faire leur mine , et furent mineur et bouilleur mis en oevre. Nous nous tairons un petit dou siège de Saint-Malo et parlerons dou siège de Mortaigne en Poito et comment chil qui assis Tavoient, persévérèrent ^
' Tout ceci est indiqué fort succinctement dans la narration résumée : Quant le connestable de France et le sire de Cliçon sceurent que le duc de Lancastre estoit à siège devant Saint-Malo, ils firent ung grant mandement de tous costés et vindrent devant Saint-Malo , pour lever le siège ; et cuidoit-on plusieurs fois que bataille se deust faire entre les deux parties , et firent les Anglois plusieurs fois leurs gens ordonner tous prests pour combattre , mais onques le connestable , ne le sire de Cliçon ne approuchiôrent si près que bataille se peust &ire entre eulz.
84 LES nunçAis lètekt
Vous ares bien chi-dessus oj recorder la mort de Yeawain de Gales et comment il fîi mourdris, et ossi comment li Breton et li Poiteyin estoient pardevant Mortaigne , desqueb messires Jaques de Monmore, messires Percheranxd'Aineyal, Goillanmes de Moncontoor et messires Jaques de Soi^ères estoient cappitaine , et ne veurent mies pour ce brisier leur si^ , quoyque il furent moult couroucbié de la mort Yeuwain de Cralles , leur souverain cappitaine ; car il ayoient grant désir de contrerengier sa mort sour chiaux de la forteresse. Si ayés 07 comment messires Thonmias Triyet, messires Scrop , messires Thumas Abretons et messires Guillaumes Cendrins , à une quantité de gens d'armes et d'archiers , estoient ordonnés de venir à Bourdiaux tant que pour conforter chiaux de Mortaigne conmie ossi messire Mahieu de Gournay qui se tenoit à Bayone et qui tous les jours avoit à ùire en celé marce contre les Gascons et les Bretons, qui y tenoient pluisieurs fors. Cil quatre chevalier dessus nommet et leurs routes avoient geu à Pleumoude bien un mois, et ne pooient avoir vent qui leur durast pour aller en Gascoingne, dont il estoient moult courouchiés, mais amender ne le pooient ; et si avés oy comment li sires de Nuefrille, d*Engleterre, estoit ordonnés à tout gens d'armes et archiers de venir conforter contre les Espaignols le roi de Navare et pour estre sénescal de Bourdiaux et de Bourdelois. Si se trouvèrent toutes ces gens d'armes à Pleumoude et furent moult resjoï Tun de l'autre. Depuis la venue le seigneur de Nuefville , il ne séjournèrent point plenté que il eurent vent à volenté. Si entrèrent en leurs vaisseaux qui chargiet estoient , et désancrèrent dou havène de Pleumoude et levèrent les voilles et singlèrent devers Gascoingne, et estoient d'une flote VI" vassiaux et XL barges , et pooient estre environ mil hommes d'armes et
