PRISE DU CHATEAU

tenoient s'en partoient sans péril et damage yaux et le leur et estoient conduit là où il voloient aller. Ensi demora li fors de Saint-Ligier englès , et vinrent li seigneur ou castel de Mortaigne. Si trouvèrent le soudis de Lestrade ou parti que li hiraus avoit dit. Si fu mis en arroy , ensi comme il appartenoit , et li fors rafresquis , ravitailliés et repourveus de nouvelles gens , et puis s*en retournèrent par le rivière de Garonne à Bourdiaux le cemin que il estoient venu.

Quant chil chevalier furent retourné à Bordiaux, entrues que il si rafresquissoient , il entendirent que à VI lieuwes de là il y avoit Bretons qui tenoient un fort que on dist Saint-Maubiert en un païs que on appielle Médoch , liquel Breton grevoient grandement le païs où il séjournoient. Si fisent chargier leurs pourvéances ^andes et belles sus la rivière de Garonne et toute leur artillerie , et puis montèrent as chevaux environ IIP lances , et s'en vinrent par terre jusques à Saint-Maubiert. Là estoient des Gascons avoec le seigneur de Nuef\rille , messires Ârchebaus de Grailly , li sires de Rosen , li sires de Duras et celui de Gourton. Quant chil baron et leurs routes furent venu devant Saint^Maubert , il se logièrent et tantost allèrent assaillir , et y eut de ce premier grant assaut et dur , car li Breton qui Saint-Maubert tenoient , estoient toutes gens de fait et de grant volenté, et avoient un cappitaine breton, un escuier allosé et usé d'armes , qui s'appielloit Yirelion , auquel il se rallioient et par qui conseil il usoient. Chis premiers assaus ne greva nient les Bretons. Âdont se retraisent Ënglès et Gascon à leurs logeis , et à Fendemain il fisent drecher leurs engiens devant le fort, qui jettoient pierres et mangonniaux pour effondrer les tois^ de le tour où il se