LE SIÈGE DE MORTAGKE

II™ archiers , et n'eurent nul empeschement sus que chis vens ne leur durast tousdis. Si entrèrent ou havène de Bourdiaux le nuit Nostre-Dame en septembre, Tan de grâce M.CCC.LXXVIII.

Quant li Breton et li Poitevin , qui tenoient le siège devant Mortaigne-sus-mer, les veirent passer de une flote si grant quantité de vassiaux trompant , cornemusant et faisant grant feste, si furent tout pensieux, et cil dou fort tout resjoï , car bien pensoient que il seroient temprement délivré ou il 7 aroit bataille, et que pas pour noiant faire il ne venoient ou païs que il n*i eust aucun esploit d armes. Messires Jaques de Monmore et les cappitaines de Tost se misent ensamble en conseil et parlementèrent longhement comment il se maintenroient , et se repentoient des traictiés que il avoient laissiet passer; car un petit endevant li soudis de Lestrade avoit volu rendre le fort , sauf tant que yaux et le leur s'en peussent estre allé à Bourdiaux sauvement ; mais li Franchois ni volrent entendre. Si envoyèrent un héraut parlementer à iaux que maintenant il seroient receu à traictiés. Li soudis leur flst respondre que il n'avoient que faire d'entrer en nul traictié et que leurs secours estoit venus : ou francement s'en partiroient ou tout en leur volenté demorroient. Si demora la chose en ce parti , et li sires de Nuefville et li Englès s'en vinrent à Bourdiaux. Si furent de messire Guillaume Helmen , sénescal des Landes , et de messire Jehan de Multon , maire de la cité de Bourdiaux, et de l'arcevesque dou lieu et des bourgois et des dames grandement et bel conjoï et receu. Si se loga li sires de Nuefville en l'abbeye de Saint-Andrieu, et fu et demora sénescal de Bourdiaux et de Bourdelois. Âssés tost après , li sires de Nuefville flst un mandement de chevaliers et d'escuiers gascons qui pour englès se tenoient , et assembla

86 PRISE DU CUATEAU

tant de toutes manières de gens que il furent bien IIP. Si ordonnèrent naves et vassiaux sour la rivière de Garonne et se départirent de Bourdiaux en instance que pour venir lever le siège de Mortaigne.

Ches nouvelles furent sceues en Fost des Franchois que Englès et Gascons, gens d armes et archiers, venoient efforciement contreval la rivière de Garonne pour lever le siège et iaux combatre. Si se misent les capitaines tout ensamble et se conseillèrent. Si fu ensi conseilliet que il nestoient mie- poissans , ne gens assés pour attendre tel host. Si leur valoit mieux à perdre leur saison dou siège de Mortaigne que d*iaux mettre en plus grant péril , et sonnèrent les trompettes de deslogement , et boutèrent les feus en leurs logeis et se deslogièrent sans plus riens faire, et se rétraisent en Poito ; mais tout ne se départirent mies , ainçois demora une grant route de Bretons et de Galois des gens Yeuwain de Gales ou fort de Saint-Ligier , et disent que il faisoit bien à tenir contre tout homme : si rétraisent toute leur artillerie là dedens.

Chil chevalier d'Engleterre et chil Gascon , qui venoient à plain voile en barges , en hoquebos et en calans parmi la rivière de Garonne, s'arrestèrent à Tancre devant Mortaigne, et puis yssirent hors petit à petit de leurs vassiaux ; et tout ensi comme il yssoient, il se ordenoient pour venir combatre le fort de Saint-Ligier où chil Breton estoient retrais. Là eut de venue grant assault et dur, et, entroes q ue on assalloit , li sires de Nuefville envoia un hiraut parler au soudis et sçavoir comment il lui estoit. Li hiraus fîst son message * et raporta que tout estoient en boin point, mais il estoient si nus que il n avoient solier * en piet.

• Bien et beau. — * Ne chaïusse.

DE saiht-lAgeb. 87

Li assaus devant Saint-Ligier dura bien III heures que riens n*y conquisent ; mais en y ot des blechiés et des navrés assés. Adont se logièrent li seigneur et toutes manières de gens , et fîi leur entente que point de là ne partiroient si aroient conquis le fort de Saint-Ligier , et estoient trop courouchié que le seigneur de Monmore , ne le seigneur de Montcontour , ne seigneur de nom ne le tenoient , et que dedens enclos il n'estoient, mais cMl seigneur sagement parti s'en estoient, et les Bretons laissiés y avoient.

Quant ce vint à Fendemain , li sires de Nuefville et chil chevalier d'Engleterre ordonnèrent qu'on iroit assaillir. Si sonnèrent leurs trompettes et départirent leurs livrées , et puis approchièrent le fort de Saint-Ligier. Si commencha li assaus ^ durs , grans et fors merveilleusement *. Chis fors de Saint-Ligier siet sour une roche que on ne puet fors à malaise approchier , et au plus foible lés il y a grans fossés qui ne sont mies à passer légièrement. Si se traviUoient li assallant grandement et riens ne faisoient ; mais en y avoit des mors et des blechiés grant fuison. Âdont cessa li assaus, et fu aviset pour le mieux que on rempliroit les fossés et puis on aroit milleur avantage d'assaillir. Si furent les fossés remplis à grant paine et tout terre par deseure , tellement que tout homme povoit passer. Quant li Breton , qui dedens le fort estoient , virent che , si se doubtèrent plus que devant (et raison fu), et entrèrent en traictiés. Chil seigneur d'Engleterre qui avoient bien ailleurs où entendre tant as besoingnes dou roi de Navare comme à délivrer pluisieurs fors que li Breton tenoient en Bourdelois et en Bayonnois , s'acordèrent légièrement à ces traictiés , et fu li fors de Saint-Ligier rendus parmi tant que chil qui le

Aspre et grand à merTeille.