LE SIEGE DE SAINT-HALO

d'armes et archiers peussent entrer ens. De cel afiaire se doubtèrent grandement Morfouache et li chevalier qui dedens estoient , et congnissoient assés que par ce point il pooient estre perdu ; et n'avoient garde de nul assaut fors de côsti-là , car leur ville estoit bien pourveue de toute artillerie et de vivres pour yaux tenir deux ans , se il leur besoingnoit. Et avoient entriaux grant cure et grant entente comment il porroient rompre celle mine , et estoit le plus grant seing que il avoient dou brisier. Tant y pensèrent et traveillièrent qu'il en vinrent à leur entente et par grant aventure ensi que les coses * doivent avenir merveilleusement *. Li contes Richars d'Arondîel devoit une nuit faire le gait atout une quantité de ses gens. Chis contes ne fu mies bien songneux de faire che où il estoit commis et tant que chil de Saint-Malo le sceurent , ne sçai par leur espies ou autrement. Quant il sceurent que heure fu et que sus le fiance dou gait toute li hos estoit endormie , il partirent secrètement de leur ville et vinrent à le couverte à l'endroit où li mineur ouvroient, qui gaires n'avoient mais à ouvrer pour acomplir leur emprise. Morfouache et se route tout apparilliet de faire che pour quoi il estoit là venu, tout à leur aise et sans deffence rompirent leur mine, de quoi il y eut aucuns mineurs là dedens estains , qui onques ne s'en partirent , car la mine reversa sur iaux. Et quant il eurent ce fait, il disent que il resveilleroient Tost au lés devers leur ville, affin que chil de l'ost sentesissent et congneussent que vaillaument il s'estoient porté. Si s'en vinrent férir en l'un des corons en escriant leur cry et en abatant tentes et trefs et logeis et en blechant et ochiant gens tant que toute li hos se commencha durement à effraer. Adont se commencha à

'-* Peuvent advenir souventement.