LES ANGLAIS LÈVENT

retraire Morfouache et li sien dedens SaintrMalo sans point de damage , et chil de Tost s'armèrent et se traisent devant le tente dou duc qui fu grandement esmerveilliés de ceste advenue et demanda que ce avoit esté. On lui recorda, et que par la faute dou gait on avoit perdu le mine et receu ce damaige. Âdont fu mandés li contes d*Ârondiel devant le duc de Lancastre et le conte de Cambruges. Si fu grandement acueillis de ceste avenue , mais il s'escusa au plus bel qu il pot , et en fil , sicomme j oy dire adont, tous honteux, et eust plus cher avoir perdu cent mille frans.

Cheste besoingne avenue et ceste mine perdue , li seigneur de Tost se traisent ensemble ou conseil pour sçavoir quel cose il feroient. Si regardèrent Tun par l'autre que il avoient perdu leur saison, lequelle cose n'estoit pas à recouvrer , et que de faire nouvelle mine il ne venroient jamais à chief ; car la saison s'en alloit aval et li yviers approchoit. Si eurent conseil , tout considéré pour le meilleur , que il se deslogeroient et s'en retrairoient en Engleterre. Adont fu ordonné de par le duc et les marescaux dou deslogier et de rentrer en leur navie qui gisoit à l'ancre ou havène de Saint-Malo. Tantost fu deslogiet , tout trousé et mis es vassiaux. Il avoient vent à volenté : si entrèrent en leur navie et siglèrent devers Engleterre. Si arrivèrent et prisent terre à Hamptonne, et là issirent de leurs vaissiaux, et trouvèrent que messires Jehans d'Arondiel , la capitaine de Hamptonne , estoit allés à Chièrebourcq pour rafresquir le garnison et veoir les compaignons , messire Jehan de Harleston et les autres. Ënsi se desrompi en celle saison li armée des Englès , et se traisent cascun en son lieu , et rapassèrent Alemant et Haynuier le mer et retournèrent en leur païs. Si commencièrent à murmurer les communautés d'Engleterre sus les nobles «n disant que U avoient en