LE SIEGE DE SAINT-MALO

celle saison petit esplpitié , quant Saint-Malo leur estoit ensi eschapée , et par espécial li contes Ricars d*Ârondiel en avoit ^ petite grâce *. Nous nous soufferons à parler de chiaux d'Engleterre et parlerons des François et de Chiôrebourcq '.

Assés tost après le département de Saint-Malo et que li François eurent rafresqui le ville et le chastel , li connestables de France et li Breton eurent conseil que il venroient mettre le siège devant Chiôrebourcq , dont messires Jehans de Harleston estoit cappitaine , et avoit dalés lui et desoubs

*-• Petit los. — * La narration résumée rapporte en peu de mots la retraite des Anglais , mais elle mentionne de plus la capitulation d*Auray qui eut lieu le 15 août 1377 :

Adonc, quant les Anglois orent esté ung grant temps devant Saint- Malo et qtt*ils virent bien que ceulz de la ville n*avoient nulle voulente de eulx rendre, le duc de Lancastre ot conseil de deslogier ; car il veoit bien que là perdoit son temps. Si entra en mer et retourna en Angleterre , et donna congié à toutes manières de gens d'armes , et s*en ala chascun en son lieu.

Encores estoit le chastel d'Aulroy en la saisine du duc de Bretaigne, qui tout qnoy estoit en Angleterre. Si y envoia le roy plusieurs seigneurs de France et de Bretaigne , et y fut le siège mis grant et plainier , et dura longtemps. Ceuls d*Aulroy qui ne virent apparence d'estre secouru de nul costé , entrèrent en traittié , par condition que, s'ils n'estoient secourus du duc de Bretaigne ou du roy d'Angleterre fors assés pour tenir la place dedens certain jour dénommé , ils se dévoient rendre. Ce traittié fu accordé. Le jour vint. Les François tindrent leur journée : nul ne s'apparut , du duc de Bretaigne , ne des Anglois. Si fut le chastel rendu et mis en l'obéissance du roy de France , ainsi comme les aultres chasteaulz et bonnes villes du pats de Bretaigne estoient. Et se départirent d'Aulroy ceulz qui y estoient de par le duc de Bretaigne.

94 OLIVIRR DU GUESCLIN

lui pluisieurs chevaliers et escuiers angles et navarois; mais toute ceste grant host ne se traist mies ceste part , ainchois se départirent li dus de Berri , li dus de Bourgoingne , li dus de Bourbon , li contes de La Marce , li dauffins d*Âuvergne et tous les chiefs des grans seigneurs, et renvoièrent leurs gens en leur païs, et li pluisieur vinrent veoir le roi qui se tenoit à Roem , qui liement les rechut. Aucun Breton et Normant (environ IIP lances) s'en vinrent à Valongne à sept lieuwes de Chièrebourcq , et là âsent leurs bastides. Bien sçavoient que monseigneur Jehans d'Ârondiel avoit rafresqui la garnison , et supposoient bien que il y estoit encores. Entre Chièrebourcq et Valoingne de ce costé ce sont tous haus bos et forte forest de une part et d'autre jusques à la cité de Constances, et pooient chil de Chièrebourc issir et chevauchier sus le païs à l'aventure toutes fois qu'il voellent ; car il ont fait parmi le bois un chemin et si fort hayet d'un lés et d'autre que , quant il sont en leur chevaucie, on ne les peut approchier ; et est Chièrebourcq un des fors chastiaux dou monde. Chil qui estoient en garnison à Valongne , estoient moult courouchiés de ce qu'il ne pooient porter damage as Englès qui hérioient le païs. Si s'avisa messires Oliviers de Claiequin , frères à messire Bertran , que il venroit à le couverte chevauchier parmi les bois et aviser Chièrebourcq de plus près pour sçavoir se on porroit mettre devant le siège. A tout le mains , se il pooient prendre la ville qui siet bien en sus dou chastiel , il feroient un grant esploit ; car tantost il l'aroient si fortefye que chil dou chastel ne polroient issir, ne saillir hors, qu'il ne rechussent damage. Messires Oliviers en ce proupos persévéra et prist environ XL lances et guides qui bien le sceurent mener parmi les bois , et se partirent par un matin de Valongne , et tant chevaucièrent qu'il vinrent oultre les bois allencontre de Chièrebourcq.