GUILLAUME DES BORDES EST PRIS PAR LES ANGLAIS. 1SK
de leurs issues pour les grans bois où il marcissent , car il ont fait une voie et tailliet à leur volenté que il pueent issir hors et chevauchier sus le païs en Normendie sans le dangier des François. Et avint en celle saison que li François chevauchoient , et eulx ossi , et riens ne savoient li uns de lautre , et tant que d aventure il se trouvèrent ens es bois en une plache que on dist ^ Pestor-Lere '. Quant il se trouvèrent , ensi que chevalier et escuier qui se désirent à combatre , il misent tout à piet à terre , excepté messires Lancelos de Lorris. Cils demora sus son coursier la glave ou poing et la targe au col , et demanda une jouste pour 1 amour de sa dame. Là estoit bien qui Tentendi : si fu tantos requelliés , car otant bien y avoit des chevaliers amoureus avoecques les Ënglès que il estoit ; et me samble que messires Jehans Copelant, uns moult rades chevaliers, se mist à lui. Adont esperonnèrent-il leurs chevauls et se boutèrent lun sus lautre de plains eslais et se donnèrent sus les targes très-grans horions. Là fu consiewis messires Lancelos dou chevalier englès par tel manière que il li perça le targe et toutes ses armeures et li passa tout oultre le corps , et fu navrés à mort , dont che fu damages , car il estoit moult appers chevaliers , jones , * jolis * et amoureus , et fu là et ailleurs depuis moult ^ plains *. Âdont se boutèrent François et Englès li uns dedens lautre , et se combatirent longuement de leurs glaves et puis des haces , et vinrent tout ' à main. Là furent bon chevalier de le part des François messires Guillaumes des Bordes , li Petis Sénescaulx d'Eu , messires Guillaumes Martiel , Brakes de Braquemont et tout li autre, et se combatirent vaillaument; et ossi fisent li Englès , messires Jehans de Harleston ,
Peston.. Preston. — *"* Frisques. — •*• Regreté. — '' Main.
136 GLILLAUME DES BORDES
messires Phelippes Picourde , messires Jehans Barlé , messires Jehans de Copelant et tout li aultre. Et avint flnablement que par bien combatre la journée leur demora, et obtinrent la place ; et furent tout pris li François, chevaliers et escuiers, et prist uns escuiers de Haynnau qui s'appelloit Guillaumes de Biaulieu , messire Guillaume des Bordes. Si furent chil prisonnier menet à Chièrebourch et là trouvèrent messire Olivier de Claiekin qui estoit prisonniers ossi. Ensi ala de ceste besongne , sicom je fui adont enfourmés.
Var» — *L an del incarnation Nostre-Seigneur M.CCC.LXXIX en la nouvelle saison , tantost après Pasques , li rois Charles de France , qui vit comment cil de Chierbourc guerrioient durement le pais et gastoient le clos de Costentin , ordonna messire Guillaume des Bordes , vaillant chevalier et bon capitaine , à cstre gardien et souverain capitaine de Costentin et de toutes les forteresces à rencontre de Chierbourc. Si s'en vint li dis messires Guillames à tout belle route de gens d'armes et d'arbalestriers gennevois , et vint gésir à Montbourc , dont il fist bastille contre Chierbourc , et fist plusieurs chevauchées , et trèsvoulentiers eust trouvé à jeu-parti la garnison de Chierbourc ; car il ne désiroit riens tant qu'il les peust combatre , car il se sentoit bon chevalier , vaillant , renommé , hardi et entreprenant, et considéroit qu'il avoit fleur de gens d'armes avecques lui de ses garnisons. En ce temps mesme fut envoie capitaine de Chierbourc ung chevalier englès , appelle messire Jehan Harleston , de qui j'ay plusieurs fois parlé çà arrière (si avoit esté grant temps capitaine de Guines ), liquels monta en mer à Hantonne , à CCC hommes d'armes et autant d'archiers. Tant nagèrent qu'il arrivèrent à Chierbourc ; et estoit de sa route ung vaillant chevalier de Savoie , appelle messire Othe de Grançon;
* Cette importante variante appartient A la narration résumée et forme la fin du premier livre dans l'édition de M. Bacbon.
