EST PRIS PAR LES ANGLAIS

et des Englès y estoient messires Jehans Aubourc , messires Jehans Ourselle et ploiseur chevalier et escuier. Si tost qu*il furent arrivés , il misent hors leurs chevaulx et harnois, et se refreschirent aucuns jours et mirent leurs besoignes à point ; et commencèrent à chevaucher sus le pais et à faire grant guerre. Ossi messires Guillaumes des Bordes subtilloit nuit et jour comment et en quelle manière il leur peust porter dommaige. Si sachiés que en celle saison li doi capitaine mirent maintes embnsches lun sur lautre à pou de fait ; car l'aventure ne donnoit mie qu'il trouvassent Fun l'autre , fors aucuns compaignons qui s'aventuroient folement , tant pour honneur acquerre comme pour gaingnier et trouver adventures : cil s'entr'encontrôrent souvent et ruèrent l'un l'autre jus. L'un jour gaignioient li François et l'autre perdoient , ensi que fais d'armes se démènent.

Tant chevauchièrent li un sus l'autre que messires Guillaumes des Bordes se parti une matinée de Montbourc, et toute sa garnison , en voulenté de chevauchier devant Chièrebourc et combatre messire Jehan de Harleston , si le povoit attraire aux champs. Si s'en vint bien ordonné et appareillié à toute sa puissance , tant de gens d'armes , comme d'arbalestriers et de gens à pié. D'autre part , messires Jehans de Harleston qui riens ne savoit dou fait des François , ot voulenté ossi de chevauchier ce jour. Si fist sonner ses trompettes et armer toutes ses gens d'armes , tant de cheval comme de pié , et tout traire aux champs, et ordonna qui demourroit en la forteresce ; puis chevaucha en grant arroy et bonne ordonnance , comme cils qui bien le savoit faire ; et ordonna messire Jehan Oursellée avec les gens de pié pour eulx mener et conduire. Après ce ordonna ses coureurs. Ossi avoit fait messires Guillaumes des Bordes ; et tant chevauchièrent en celle manière de l'un costé et de l'autre que li coureur se trouvèrent et s'entrechevauchiôrent de si près que li coureur englès virent et advi^èrent à plain les François , et ossi li coureur françois trouvèrent et advisèrent les Englès ; et se retray chacuns à son costé , rapportant la vérité des ennemis. Lors furent li doi capitaine lies , car il