GUILLAUME DES BORDES

avoient trouvé ce qu'il quéroient ; car il désiroient moult à trouver Tun Tautre. Quant 11 doi capitaine orent oj le rapport de leurs coureurs , chascuns recueilli ses gens bien et sagement , et firent desveloper leurs bannières et pennons en approuchant Tun de Fautre ; et estoient li gent de pié englôs avec les gens d*armes. Si tost qu'il furent entr'aprouchiés si près que à ung trait d'arc , li François mirent pié à terre ; et ossi firent 11 Englès. Adont conmiencièrent archiers et arbalestriers à traire fort et roidement , et gens d'armes à approuchier , les glaives au poing abaissiés, rengiés et serrés si près que plus ne povoient. Lors s'assemblèrent-il de tous costés , et commencièrent à pousser , à bouter et férir de glaives et de haches et d'espées. Là ot dure bataille , forte et bien combatue ; là vit-on gens d'armes esprouver leurs prouesses. Là estoit messires Guillaumes des Bordes armés de toutes pièces, une hache en sa main, et frapoit à dextre et à senestre : tout ce qu'il consuivoit à plain cop , il ruoit par terre. Là fist-il tant d'armes et de prouesses de son corps que à toujours il en doit estre loué et prisié ; et ne demeura mie en lui qu'il ne mist tous les Englès à desconfiture. D'autre part , messires Jehans Harleston , capitaine de Chierbourc , se combatoit bien et vaillaument, une hache en sa main, pié avant l'autre , et bien j besoignoit , car il avoit à dure partie affaire et durs combatans. Là ot mainte vaillantise faite 'ce jour , maintes appertises d'armes , maintes prises et maintes rescousses : qui estoit abatu , c'estoit sans relever. Là ot maint honune mort et navré et mis à grant meschief : là fu messires Jehans Harleston porté par terre et en très-grant adventure de sa vie ; mais par force d'armes il fut rescous et relevé. La bataille dura longuement, et moult fort fu combatue et bien continuée , tant d'un costé comme d'autre , et ne l'eurent mie li Englès d'avantage ; car il y en ot plusieurs mors et navrés et mehaignés angoisseusement , et ossi pareiUement des François. Finablement li Englès se combatirent si longuement et de si grant cueur qu'il obtindrent la place ; et furent li François desconflt et mort ou pris. Petit s'en sauva de gens d'onneur , car

EST PRIS PAR LES ANGLAIS. i39

il 8*estoient si fort combatus et mis si hors d'alajne et de puissance qu'il n avoient nul povoir d'yaus partir ; ains voloient tous mourir ou vaincre leurs ennemis. Là fut prins messires Guillaumes des Bordes, en bon convenant, d'un escuier de Hajnault, appelle Guillaume de Beaulieu , appert homme d*armes et qui grant temps avoit jeu englôs es forteresces de Calais et estoit arrivé de Trasignies. A cestui se rendi doulent et couroucié de ce que la journée n avoit esté pour lui. Là vit-on Englès mettre François à grant meschief , et plusieurs François prisonniers en la fin de la bataUle , et maint gentil homme mort , de quoy ce fut pitié. Quant li Englès orent les mors despouilliés , messires Jehans Harleston et li sien se partirent de la place et enmenôrent leurs prisonniers et leur gaing arrière dedens Chierbourc. Si povés bien croire que li Englès menèrent grant joje, celle nuyt, de la bataille, adventure et journée que Dieu leur avoit donnée. Si fut li dis messires Guillaumes des Bordes grandement festjé , conjoy et aisié de ce que on pot faire ; car sa personne le valoit bien. Geste desconûture fut entre Montbourc et Chierbourc, le jour Saint-Martin-le*Bouillant, Tan M.CCC.LXXIX.

Quant li rois de France sceut ces nouvelles que la garnison de Montbourc et son capitaine estoient mors et prins, et que le pajs estoit moult effrayé de celle desconfiture , comme sage et bien advisié et pourveu en tous ses affaires, il j pourvoi tantost de remède , et envoia sans délay à Montbourc grant gens d armes de rechief pour garder les frontières et les forteresses et le pais à rencontre de la garnison de Chierbourc. Et furent chiefs de ces gens d'armes , de par le roy de France , messires Jehans de Vienne et messires Hutins de Vermelles , et tindrent les marches à rencontre des Englès. Mais depuis , par l'ordonnance dou roy de France , il abandonnèrent Montbourc et tout le pais et tout le clos de Gostentin , qui estoit le plus gras pays dou monde ; et âston toutes gens , hommes et femmes , traire hors dou pais dou dit clos de Gostentin, et abandonnèrent villes, maisons et possessions , et se retrairent toutes ces gens par deçà le clos que on dit de Gostentin , et tindrent les François