DE CLÉMENT VII

Bude. Chils tenoit desoulx lui plus de IP Bretons , et s'estoit les années passées grandement bien portés contre les Florentins que pappes Grigoires avoit guerryés et escumégnyés pour leur rébellion ; et avoit cils Selevestre Bude tant fait que il estoient venu à merci. Pappes Clémens et li cardinal qui de son accord estoient, le mandèrent secrètement et toutes ses gens d armes. Si s*en vint bouter ou Bourc- Saint-Pierre et ou fort castiel * de l'Angle *, dehors Romme, pour mieulx constraindre les Rommains. Si ne osoit Urbains partir de Tieule , ne li cardinal qui de son accord estoient (granment ny en avoit mies) , pour le doubtance de ces Bretons , car il estoient grant fuison et toutes gens de fait qui ruoient jus tout ce que il trou voient , ne rencontroient. Quant li Rommain se veirent en che parti et en che dangier, si mandèrent autres saudoyers allemans et lombars qui escarmuchoient tous les jours contre ces Bretons. Clémens ouvri grâces et fist à tous clers qui avoir les vorrent , et segnefia son nom par tout le monde. Quant li rois de France, qui pour ce tamps resgnoit , en fu segnefîés , se li vint de premiers à grant ^ mervelle ^, et manda ses frères et les haus barons de son roiaulme et tous les prélas et le recteur et les maistres docteurs de le université de Paris, pour savoir à laquelle ellection de ces pappes ou à la première ou à la darraine il se tenroit. Geste cose ne fu pas si tos déterminée, car pluiseur clerc varioient, mais finablement tout li prélat de France s'enclinoient à Clément, et ossi faisoient li frère dou roy et la grigneur partie de Funiversité de Paris , et fu li rois de France Caries en ces jours tellement monstres et enfourmés par tous les plus grans clers de son roiaulme que il obbéi à pappe Clément et le tint h droit pappe , et fist

*■* Saint- Angle.. Saint- Ange. — '-* Contraire.