IX — FROISSART

un commandement espécial par tout son roiaulme que on tenist Clément à pappe et que tout obéissent à lui sicom à Dieu en terre. Li rois d^Espaigne tint ceste oppinion ; ossi fist li contes de Savoie et li sires de Mellans et li roine de Napples. Che que li rois de France crey en Clément, coloura grandement son fait , car li roiaulmes de France , che est li fontaine de créance et de excellense pour les nobles églises qui y sont et les hautes ' prélations *. Encores vivoit Charles de Boësme , rois d'Allemaigne et emperères de Romme , et se tenoit à Prage en Behaigne e\ estoit bien enfourmés de toutes ces coses qui li venoient à ^ grant mei'velle , et quoique tous ses empires d'AUemaigne, excepté larcevesquiet de Trêves, créissent de fait, de corage et d*intention en Urbain, ne ne voloient oïr parler d autre , li emperères se faindi et dissimula tant qu'il vesqui , et en respondoit , quant on en parloit en sa présence , si courtoissement que tout prélat et baron de son empire ^ s en contentoient. Non obstant tout elle , les églises de lempire obéissoient à Urbain, et ossi fist li roiaulmes d'Engleterre , mes li roiaulmes d'Escoce obéi à Clément. Li contes Loeis de Flandres qui pour che tamps resgnoit , greva trop grandement Clément ens es parties de Braibant , de Haynnau , de Flandres et dou Liège ; car il volt tondis demorer urbanistes , et dissoit que on faisoit che pappe ^ tort, et cils contes estoit adont tant creus et renommés ens es ^ parties où il conversoit, que pour ce les églises et li signeur terryen se tenoient à son oppinion. Mais cil de Haynnau , les églises et li sires conjoins avoecq yauls , qui s'appelloit Aubiers , demorèrent neutre et obbéirent non plus à lun comme à l'autre : de quoi li évesques de Cambray qui pour ce tamps. resgnoit , qui s'appelloit Jehans , en

*■• Décorations. — * Trop. — * Bien. — ' Grand. — • Toutes.